________________ . जंबुद्दीवपण्णत्ती व. 4 जोयणसए चकवालविक्खंभेणं वट्टे वलयागारसंठाणसंठिए, जेणं मंदरचूलियं सव्वओ समंता संपरिक्खित्ताणं चिट्ठइ तिण्णि जोयणसहस्साइं एगं च बावटुं जोयणसयं किंचिंविसेसाहियं परिक्खेवेणं, से णं एगाए पउमवरवेइयाए एगेण य वणसंडेणं आव किण्हे० देवा आसयंति०, पंडगवणस्स बहुमन्झदेसभाए एत्थ णं मंदरचूलिया णामं चूलिया पण्णत्ता चत्तालीसं जोयणाइं उर्दू उच्चत्तेणं मूले बारस जोयणाई विक्खंभेणं मज्झे अट्ठ जोयणाई विक्खभेणं उप्पिं चत्तारि जोयणाई विक्खंभेणं मूले साइरेगाई सत्ततीसं जोयणाई परिक्खेवेणं मज्झे साइरेगाई पणवीसं जोयणाई परिक्खेवेणं उप्पिं साइरेगाई बारस जोयणाई परिक्खेवेणं मूले विच्छिण्णा मज्झे संखित्ता उप्पिं तणुया गोपुच्छसंठाणसंठिया सव्ववेरुलियामई अच्छा०, सा णं एगाए पउमवरवेइयाए जाव संपरिक्खित्ता इति उप्पिं बहसमरणिज्जे भूमिभागे जाव सिद्धाययणं बहुमज्झदेसभाए कोसं आयामेणं अद्धकोसं विक्खंभेणं देसूणगं कोसं उढे उच्चत्तेणं अणेगखंभसय जाव धूवकडुच्छुगा मंदर चूलियाए णं पुरत्थिमेणं पंडगवणं पण्णासं जोयणाई ओगाहित्ता एत्थ णं महं एगे भवणे पण्णत्ते एवं जच्चेव सोमणसे पुव्ववण्णिओ गमो भवणाणं पुक्खरिणीणं पासायवडेंसगाण य सो चेव णेयवो नाव सक्कीसाणवडेंसगा तेणं चेव परिमाणेणं // 106 // पण्डगवणे णं भंते ! वणे कई अभिसेयसिलाओ पण्णत्ताओ ? गोयमा! चत्तारि अभिसेयसिलाओ प०, तं०पंडुसिला 1 पण्डुकंबलसिला 2 रत्तसिला 3 रत्तकम्बलसिलेति 4 / कहि णं भंते ! पण्डगवणे पण्डुसिला णामं सिला पण्णत्ता ? गोयमा ! मंदरचूलियाए पुरथिमेणं पंडगवणपुरस्थिमपेरंते एत्थ 'णं पंडगवणे पंडुसिला णामं सिला पण्णत्ता, उत्तरदाहिणायया पाईणपडीणविच्छिण्णा अद्धचंदसंठाणसंठिया पंचजोयणसयाई आयामेणं अड्डाइजाइं जोयणसयाई विक्खम्मेणं चत्तारि जोयणाई बाहल्लेणं सव्वकणंगामई अच्छा वेइयावणसंडेणं सबओ समंता संपरिक्खित्ता वण्णओ, तीसे णं पण्डुसिलाए चउद्दिसिं चत्तारि तिसोवाणपडिरूवगा पण्णत्ता जाव तोरणा वण्णओ. तीसे णं पण्डुसिलाए उप्पिं बहुसमरमणिज्जे भूमिभागे पण्णत्ते जाव देवा आसयंति०, तस्स णं बहुसमरमणिजस्स भूमिभागस्स बहुमज्झदेसभाए उत्तरदाहिणेणं एत्थ णं दुवे सीहासणा पण्णत्ता पंच धणुसयाइं आयामविक्खम्भेणं अड्डाइजाई धणुसयाई बाहल्लेणं सीहासणवण्णओ भाणियव्वो विजयदूसवज्जोत्ति / तत्थ णं जे से उत्तरिल्ले सीहासणे तत्थ णं बहूहिँ भवणवइवाणमंतरजोइसियवेमाणिएहिं देवेहिं देवीहि य
