________________ जंबुद्दीवपण्णत्ती व. 4 665 द्दीवस्स र बहुमज्झदेसभाए एन्थ णं जम्बुद्दीवे दीवे मंदरे णामं पव्वए पण्णत्ते णवणउइजोयणसहस्साइं उड्ढे उच्चत्तेग एग जोयणसहस्सं उन्हेणं मूले दसजोयणसहस्साइं णवहं च जोयणाई दस य एगारसभाए जोयणस्स विवखम्भेणं धरणियले दस जोयणसहस्साइं विक्खम्भेणं तयणंतरं च णं मायाए 2 परिहायमाणे परिहायमाणे उवरितले एगं जोयणसहस्सं विक्खम्भेणं मूले एकतीसं जोयणसहस्साइं णव य दसुत्तरे जोयणसए तिणि य एगारसभाए जोयणस्स परिक्खेवेणं धरणियले एक्कतीसं जोयणसहस्साई छच तेवीसे जोयणसए परिक्खेवेणं उवरितले तिण्णि जोयणसहस्साई एगं च बावटुं जोयणसयं किंचिविसेसाहियं परिक्खेवेणं मूले विच्छिण्णे मज्झे संखित्ते उरि तणुए गोपुच्छसंठाणसंठिए सव्वरयणामए अच्छे सण्हेत्ति। से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते वण्णओत्ति, मंदरे गं भंते ! पव्वए कइ वणा प० 1 गो० ! चत्तारि वणा प०, तं०-भद्दसालवणे 1 णंदणवणे 2 सोमणसवणे 3 पंडगवणे 4, कहि णं भंते ! मंदरे पन्वए भद्दसालवणे णामं वणे प० 1 गोयमा ! धरणियले एत्थ णं मंदरे पव्वए भद्दसालवणे णामं वणे पण्णत्ते, पाईणपडीणायए उदीणदाहिणविच्छिण्णे सोमणसविज्जुप्पहगंधमायणमालवंतेहिं वक्खारपव्वएहिं सीयासीओयाहि य महाणई हिं अट्ठभागपविभत्ते मंदरस्स पव्वयस्स पुरस्थिमपञ्चत्थिमेणं बावीसं बावीसं जोयणसहस्साई आयामेणं उत्तरदाहिणेणं अड्वाइजाई जोयणसयाई विक्खम्भेणंति, से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते दुण्हवि वण्णओ भाणियव्यो किण्हे किण्होभासे जाव देवा आसयंति सयंति०, मंदरस्स णं पव्वयस्स उत्तरपुरस्थिमेणं भद्दसालवणं पण्णासं जोयणाई ओगाहित्ता एत्थ णं महं एगे सिद्धाययणे पण्णत्ते पण्णासं जोयणाई आयामेणं पणवीसं जोयणाई विक्खंभेणं छत्तीसं जोयणाइं उर्दु उच्चत्तेणं अणेगखंभसयसण्णिविढे वण्णओ, तस्स णं सिद्धाययणस्स तिदिसिं तओ दारा पण्णत्ता, ते णं दारा अट्ठ जोयणाई उड् उच्चत्तेणं चत्तारि जोयणाई विक्खम्भेणं तावइयं चेव पवेसेणं सेया वरकणगथूभियागा जाव वणमालाओ भूमिभागो य भाणियव्यो, तस्स णं बहुमज्झदेसभाए एत्थ णं महं एगा मणिपेढिया पण्णत्ता अट्ट जोयणाई आयामविक्खंमेणं चत्तारि जोयणाई बाहल्लेणं सव्वरयणामई अच्छा, तीसे णं मणिपेढियाए उवरिं देवच्छंदए अट्ठ जोयणाई आयामविक्खंभेणं साइरेगाई अट्ट जोयणाई उड़े उच्चत्तेणं जाव जिणपडिमा वण्णओ देवच्छंदगस्स आव धूवकडुच्छुयाणं इति / मंदर
