________________ 664 अनंगपविट्ठसुत्ताणि विजए महापुरा रायहाणी पम्हावई वक्खारपव्वए 3, पम्हगावई विजय विजयपुरा रायहाणी सीयसोया महाणई ४,संखे विजए अवराइया रायहाणी आसीविसे वक्खारपव्वए 5, कुमुए विजए अरया रायहाणी अंतोवाहिणी महाणई 6, णलिणे विजएं असोगा रायहाणी सुहावहे वक्खारपव्वए 7, णलिणावई विजए वीयसोगा रायहाणी 8 दाहिणिल्ले सीओयामुहवणसंडे, उत्तरिल्लेवि एमेव भाणियव्वे जहा सीयाए, वप्पे विजए विजया रायहाणी चंदे वक्खारपब्वए 1, सुवप्पे विजए जयंती रायहाणी उम्मिमालिणी गई 2, महावप्पे विजए जयंती रायहाणी सूरे वक्खारपव्वए 3, वप्पावई विजए अपराइया रायहाणी फेणमालिणी णई 4, वग्गू विजए चक्कपुरा रायहाणी णागे वक्खारपव्वए 5, सुवग्गू विजए खग्गेपुरा रायहाणी गंभीरमालिणी: अंतरणई 6, गंधिले विजए अवज्झा रायहाणी देवे वक्खारपव्वए 7 गंधिलावई विजए अओज्झा रायहाणी 8, एवं मंदरस्स पव्वयस्स पञ्चस्थिमिल्लं पासं भाणियव्वं तत्थ ताव सीओयाए णईए दक्खिणिल्ले णं कूले इमे विजया, तं० गाहा-पम्हे सुपम्हे महापम्हे, चउत्थे पम्हगावई / संखे कुमुए णलिणे, अट्ठमे णलिणावई // 1 // इमाओ रायहाणीओ, तं० गाहा-आसपुरा सीहपुरा महापुरा चेव हवइ विजयपुरा। अवराइया य अरया असोग तह वीयसोगा य // 2 // इमे वक्खारा, तंजहा-अंके पम्हे आसीविसे सुहावहे, एवं इत्थ. परिवाडीए दो दो विजया कूडसरिसणामया भाणियव्वा दिसा विदिसाओ य भाणियव्वाओ, सीओयामुहवणं च भाणियत्वं सीओयाए दाहिणिल्लं उत्तरिल्लं च, सीओयाए उत्तरिल्ले पासे इमे विजया, तंजहा-चप्पे सुवप्पे महावप्पे, चउत्थे वप्पयावई / वागू य सुवागू य, गंधिले गंधिलावई // 1 // रायहाणीओ इमाओ, तंजहा-विजया वेजयंती जयंती अपराजिया / चक्कपुरा खग्गपुरा हवइ अवज्झा अउज्झा य // 2 // इमे वक्खारा, तंजहाचंदपव्वए 1 सूरपव्वए 2 णागपव्वए 3 देवपत्वए 4 इमाओ णईओ सीओयाए महाणईए दाहिणिल्ले कूले-खीरोया सीहसोया अंतरवाहिणीओ णईओ 3 उम्मिमालिणी 1 फेणमालिणी 2 गंभीरमालिणी 3 उत्तरिल्लविजयाणंतराउत्ति, इत्थ परिवाडीए दो दो कूडा विजयसरि सणामया भाणियव्वा, इमे दो दो कूडा अवट्ठिया तंजहासिद्धाययणकूडे पव्वयसरिसणामकूडे // 102 / / कहि णं भंते ! जम्बुद्दीवे 2 महाविदेहे वासे मंदरेणामं पव्वए पण्णत्ते ? गोयमा ! उत्तरकुराए दक्खिणेणं देवकराए उत्तरेणं पुव्वविदेहस्स वासस्त पञ्चत्थिमेणं अवरविदेहस्स वासस्स पुरथिमेणं जम्बु.
