________________ जंबुद्दीवपण्णत्ती व. 4 663 उत्तरिल्लाओ चरिमंताओ अट्ठचोत्तीसे जोयणसए चत्तारि य सत्तभाए जोयणस्स अबाहाए सीओयाए महाणईए बहुमझदेसभाए एत्थ णं णिसहद्दहे णामं दहे पण्णत्ते, एवं जच्चेव णीलवंतउत्तरकुरुचंदेरावयमालवंताणं वत्तव्वया सच्चेव णिसहदेवकुरुसूरसुलसविज्जुप्पभाणं णेयव्वा, रायहाणीओ दक्खिणेणंति // 99 // कहि णं भंते ! देवकुराए 2 कृडसामलिपेढे णामं पेढे पण्णत्ते ? गोयमा ! मंदरस्स पव्वयस्स दाहिणपच्चत्थिमेणं णिसहस्स वासहरपव्वयस्स उत्तरेणं विज्जुप्पभस्स वव खारपदयरस पुरत्थिमेण सीओयाए महाणईए पञ्चत्थिमेणं देवकुरुपच्चत्थिमद्धस्स बहुमज्झदेसभाए एत्थ णं देवकुराए कूडसामलीपेढे णामं पेढे प०, एवं जच्चेव जम्बूए सुदंसणाए वत्तव्वया सच्चेव सामलीएवि भाणियब्वा णामविहूणा गस्लदेवे रायहाणी दक्खिणेणं अवसिटुं तं चेव जाव देवकुरू य इत्थ देवे. पलिओवमट्टिइए परिवसइ, से तेणटेणं गो० ! एवं वुच्चइ-देवकुरा 2, अदुत्तरं च णं० देवकुराए०॥१००॥ कहि णं भंते ! जम्बुद्दीवे 2 महाविदेहे वासे विज्जुप्पभे णामं वक्खारपब्बए पण्णत्ते ? गो० ! णिसहस्स वासहरपव्वयस्स उत्तरेणं मंदरस्स पव्वयस्स दाहिणपञ्चत्थिमेणं देवकुराए० पचत्थिमेणं पम्हस्स विजयस्स पुरस्थिमेगं एत्थ णं जम्बुद्दीवे 2 महाविदेहे वासे विज्जुप्पभे० वक्खारपव्वए प०, उत्तरदाहिणायए एवं जहा मालवंते णवरि सव्वतवणिजमए अच्छे जाव देवा आसयंति० / विज्जुप्पभे णं भंते ! वक्खारपव्वए कइ कूडा प०? गो० ! णव कूडा पृ०, तं०-सिद्धाययणकूडे विज्जुप्पभकूडे देवकुरुकूडे पम्हकूडे कणगकूडे सोवत्थियकूडे सीओयाकूडे सयजलकूडे हरिकूडे / सिद्धे य विज्जुणामे देवकुरू पम्हकणगसोवत्थी / सीओया य सयजलहरिकुडे चेव बोद्धव्वे // 1 // एए हरिकूडवजा पंचसइया णेयव्वा, एएसि कूडाणं पुच्छा दिसिविदिसाओ णेयव्वाओ जहा मालवंतस्स हरिस्सहकूडे तह चेव हरिकूडे रायहाणी जह चेव दाहिणेणं चमररायहाणी तह णेयव्वा, कणगसोवन्थियकूडेसु वारिसेणबलाहयाओं दो देवयाओ अवसिढेसु कूडेसु कूडसरिसणामया देवा रायहाणीओ दाहिणेणं, से केणटेणं भंते ! एवं बुच्चइ-विज्जुप्पभे वक्खारपव्वए 2 ? गोयमा ! विज्जुप्पमेणं वक्खारपव्वए विज्जुमिव सव्वओ समन्ता ओभासेइ उज्जोवेइ पभासइ विज्जुप्पभे य इत्थ देवे जाव पलिओवमट्टिइए परिवसइ, से एएणडेणं गोयमा ! एवं वुच्चइ-विज्जुप्पभे०२ अदुत्तरं च णं जाव णिच्चे // 101 // एवं पम्हे विजए अस्सपुरा रायहाणी अंकावई वक्खारपव्वए 1, सुपम्हे विजए सीहपुरा रायहाणी खीरोया महाणई 2, महापम्हे
