________________ 662 अनंगपविट्ठसुताणि सुसीमा रायहाणी पमाणं तं चेवेति, वच्छाणंतरं तिउडे तओ सुवच्छे विजए एएणं कमेणं तत्तजला णई महावच्छे वेसमणकूडे वक्खारपव्वए वच्छावई विजए मत्तजला णई रम्मे विजए अंजणे वक्खारपव्वए रम्मए विजए उम्मत्तजला गई रमणिज्जे विजए मायंजणे वक्खारपव्वए मंगलावई विजए // 96 // कहि णं भंते ! जम्बुद्दीवे दीवे महाविदेहे वासे सोमणसे णामं वक्खारपव्वए पण्णत्ते ? गो०! णिसहस्स वासहरपव्वयस्स उत्तरेणं मंदरस्स पव्वयस्स दाहिणपुरन्थिमेणं मंगलावईविजयस्स पञ्चत्थिमेणं देवकुराए० पुरत्थिमेणं एत्थ णं जम्बुद्दीवे 2 महाविदेहे वासे सोमणसे णाम वक्खारपब्वए पण्णत्ते, उत्तरदाहिणायए पाईणपडीणविच्छिण्णे जहा मालवंते वक्खारपव्वए तहा णवरं सव्वरययामए अच्छे जाव पडिरूवे, णिसहवासहरपव्वयंतेणं चत्तारि जोयणसयाई उड्डे उच्चत्तण चत्तारि गाउयसाई उव्वेहेणं सेसं तहेव सव्वं णवरं अट्ठो से गोयमा ! सोमणसे णं वक्खारपव्वए बहवे देवा य देवीओ य सोमा सुमणा सोमणसे य इत्थ देवे महिड्डिए जाव परिवसइ, से एएणटेणं गोयमा! जाव णिच्चे। सोमणसे णं भंते ! वक्खारपव्वए कइ कूडा प०१ गो०! सत्त कूडा प०, तं०-गाहासिद्धे 1 सोमणसे 2 विय बोद्धव्वे मंगलावईकूडे 3 / देवकुरु 4 विमल 5 कंचण 6 वसिट्ठकूडे 7 य बोद्धव्वे // 1 // एवं सव्वे पंचसइया कूडा, एएसिं पुच्छा दिसिविदिसाए भाणियन्वा जहा गंधमायणस्स, विमलकंचणकूडेसुणवरं देवयाओ सुवच्छा वच्छमित्ता य अवसिढेसु कूडेसु सरिसणामया देवा रायहाणीओ दक्खिणेणंति / कहि णं भंते ! महाविदेहे वासे देवकुरा णामं कुरा पण्णत्ता ? गोयमा ! मंदरस्स पव्वयस्स दाहिणणं णिसहस्स वासहरपव्वयस्स उत्तरेणं विज्जुप्पहस्स वक्खारपव्वयस्स पुरत्थिमेणं सोमणसवक्खारपव्वयस्स पञ्चन्थिमेणं एत्थ णं महाविदेहे वासे देवकुरा णामं कुरा पण्णत्ता, पाईणपडीणायया उदागदाहिणविच्छिण्णा इक्कारस्स जोयणसहस्साइं अट्ठ य बायाले जोयणसए दुण्णि य एगूणवीसइभाए जोयणस्स विक्खम्भेणं जहा उत्तरकुराए वत्तव्वया जाव अणुसजमाणा पम्हगंधा मियगंधा अममा सहा तेयतली सणिचारीति 6 // 97|| कहिणं भंते ! देवकुराए 2 चित्तविचित्तकूडा णामं दुवे पव्वया प०? गो० ! णिसहस्स वासहरपव्वयस्स उत्तरिल्लाओ चरिमंताओ अडचोत्तीसे जोयणसए चत्तारि य सत्तभाए जोयणस्स अबाहाए सीओयाए महाणईए पुरस्थिमपच्चत्थिमेणं उभओक्ले एत्थ णं चित्तविचित्तकूडा णामं दुवे पव्वया प०, एवं जच्चेव जमगपव्वयाणं० सच्चेव०, एएसिं रायहाणीओ दक्खिणेणंति // 98 ॥.कहि णं भंते ! देवकुराए 2 णिसढद्दहे णामं दहे पण्णत्ते ? गो० ! तेति चित्तविचित्तकूडाणं पव्वयाणं
