Page Text
________________ प्रथमस्तवके] स्वभावकारणतावादखण्डनम् / प्रागभावो ह्युत्तरकालावधिरनादिः, एवं भावोऽपि घटादिः स्यात् / अनुपलभ्यमानप्राक्कोटिकघटादिविषयं नेदमनिष्टमिति चेन्न / तावन्मात्रावधिस्वभा बोधनी। तत्र प्रवाहो नादिमानित्येतद् विवृण्वन्नस्योत्तरकावधित्वेऽभिसंहितं प्रसङ्गमाह-प्रागभावइति / एवमुत्तरैकावधिर्भावोऽनादिः स्यादिति / चार्वाकस्तु नेदमनिष्टप्रसञ्जनमित्याह-अनुपलभ्यमान-इति / सिद्धान्ती त्वनिष्टतामापादयति-न-तावन्मात्र इति / उत्तरकावधिस्वभावत्वे कारणस्यानादित्वेन तस्मिन्नहनि कार्योत्पत्तिवत् पूर्वेयुरपि तमेव भावमवधिं कृत्वा तदुतरस्य कार्यस्य सत्त्वप्रसङ्गः, तमन्तरेणापेक्षणीयाभावात्तस्य च तदानीमपि सत्त्वात् / एवं पूर्वेयुरपि सत्त्वप्रसङ्गात् कार्यस्य तदेव सदातनत्वमायातं यन्निरवधिपक्ष आपादितम् / प्रागभावे तु प्राक्कोटिकल्पनायां भावोन्मज्जनप्रसक्तिर्बाधिका, साधिका च न काचिद् युक्तिरिति भावः / नन्वनादित्वेऽपि कारणस्य यस्मिन्नह्नि कार्य दृश्यते तस्मिन्नेवाह्नि भवनं कार्यस्य स्वभाव इत्याह प्रकाशः। प्रागभावो हीति / यद्यदृष्टप्राक्कोटितयैव भावरूपमपि कार्य पूर्वावधिशून्यं स्यादिति शेषः / अत्रेष्टापत्तिमाह / अनुपलभ्यमानेति / यत्र प्राक्कोटिः सामग्री नोपलभ्यते, तत्रा नादित्वमिष्टमेवेत्यर्थः / तावन्मात्रेति / अदृष्टपूर्वकोटित्वेनानादिभावमात्रावधिस्वभावत्वे यथ। तत्र दिवसे तस्य सत्त्वं तथा गतदिवसेऽपि तदित्यनादिभावोत्तरस्य तत्कार्यस्य सत्त्वप्रसङ्गः। एवं तत्पूर्वपूर्वदिनवृत्त्यपि तत्कार्य स्यादित्यर्थः / तथाचाऽऽगन्तुकादेव तस्मात् कार्यस्य कादाचि * प्रकाशिका। __ननूत्तरैकावधित्वमापादकं परानभ्युपगतमत आपादकं पूरयति / यद्यदृष्टेति / भावरूपमपीति / सामग्रीरूपमित्यर्थः। तेन तावन्मात्रावधीत्यादिमूलसङ्गतिः / अनादिभावान्तरस्येत्यत्रापि भावपदं सामग्रीपरम् / एवं भावोऽपि घटादिरित्यत्र मूले भावपदं साम मकरन्दः / वत् तदुत्तरैकाऽवधित्वं परानभ्युपगतमेवेति कथमापादनमित्यत आह / यद्यदृष्टेति / तथाच तद्वद्भावेष्वित्यादिना तदभ्युपगतमिति भावः / अदृष्टपूर्वकोटित्वेनेति / नन्वत्रेष्टापत्तिः / अहटपूर्वकोटिकेऽनादित्वाभ्युपगन्तारं प्रत्येवापादनात् / न च पूर्वदिने सत्त्वापादनेन प्रत्यक्षत्वापादन टिप्पणी। गीरादुक्तदोषतादवस्थ्यात्, विजातीत्यादिग्रन्थस्तु प्रत्येकस्यैव निषेधप्रदर्शको नआऽपि प्रत्येकेनैव सम्वन्धात् , तत्र तस्य विजातिश्च एकशक्तिश्च विजात्येकशक्ती ते विद्येते अस्य इति विजात्येकशक्तिमानिति द्वन्द्वान्ते मतुपा सम्बन्धादिति / तर्हि तृणादावित्यादाविति / जात्यपेक्षया नियम इत्यर्थः / तत्त्वे नियतत्वे इति / अवधेनियतत्वत इत्यत्र नियतशब्दोपस्थानात्तच्छब्देनात्र तत्प्रतिपादने नासङ्गतिः। प्रागभावो हीतीति। प्रागभावेत्यादिदृष्टान्तविधयोक्तम् / तथा च यद्यदृष्टेत्यादिशून्य स्यात्तदा यथा प्रागभावो हयुत्तरैकावधिरनादिस्तथा तत् स्यादनादिः स्यादित्यर्थः। आपादकस्यासत्त्वात् सामान्यत उत्तरैकावधित्वस्य परेणानभ्युपगतत्वादापादकं पूरयति यदीत्या. दि। भावरूपमपीति / सामग्रीरूपमपीत्यर्थः, तेन तावन्मात्रावधीत्यादि मूलसङ्गतिः / सर्वत्र भावपदं सामग्रीपरम् , मूले घटादिपदमपि सामग्रीपरमेवेति / अथवा अस्तु तत्र तथा उपलभ्यमानप्राक्कोटिकघटादेरिति तावन्मात्रेत्यतः पूर्व पूरणीयम् / घटादिपदं यथाश्रुततात्पर्य्यकमेवेति / तथाच तत्रानादित्वस्येष्टत्वसम्भवेऽपि अत्रोभयोरनिष्टत्वान्नासङ्गतिः / हन्या० कु०
| SR No. | 004382 |
| Book Title | Nyayakusumanjali |
| Original Sutra Author | N/A |
| Author | Padmaprasad Upadhyay, Dhundiraj Shastri |
| Publisher | Chaukhamba Sanskrit Series Office |
| Publication Year | 1957 |
| Total Pages | 610 |
| Language | Sanskrit |
| Classification | Book_Devnagari |
| File Size | 15 MB |