________________ परीक्षासूक्तानि 303 पापभीरुः प्रसिद्धं च, देशाचारं समाचरन् / अवर्णवादी न कावि, राजादिषु विशेषतः // 2 // अनतिव्यक्तगुप्ते च, स्थाने सुप्रातिवेश्मिके / अनेकनिर्गमद्वार-विवर्जितनिकेतनः // 3 // कृतसंगः सदाचारै-र्मातापित्रोश्च पूजकः। त्यजन्नुपप्लुतं स्थानमप्रवृत्तश्च गर्हिते // 4 // व्ययमायोचितं कुर्वन् , वेषं वित्तानुसारतः। अष्टभिर्धीगुणयुक्तः, श्रृण्वानो धर्ममन्वहम् // 5 // अजीर्णे भोजनत्यागी, काले भोक्ता च सात्म्यतः। अन्योन्याप्रतिबन्धेन, त्रिवर्गमपि साधयन् // 6 // यथावदतिथौ साधौ, दीने च प्रतिपत्तिकृत् / सदानभिनिविष्टश्च, पक्षपाती गुणेषु च // 7 // अदेशाकालयोश्चर्या, त्यजन् जानन् बलाबलम् / वृत्तस्थज्ञानवृद्धानां, पूजक: पोष्यपोषकः // 8 // दीर्घदर्शी विशेपज्ञः कृतज्ञो लोकवल्लभः / सलज्जः सदयः सौम्यः परोपकृतिकर्मठः // 9 // अन्तरङ्गारिषड्वर्ग-परिहारपरायणः। वशीकृतेन्द्रियग्रामो, गृहिधर्माय कल्पते // 10 // 136 परीक्षासूक्तानि परीक्षका यत्र न सन्ति देशे, नार्थन्ति रत्नानि समुद्रजानि / आभीरदेशे किल चन्द्रकान्तं,त्रिभिवराटः प्रवदन्ति सन्तः // 1 //
