________________ 250 सुभाषितसूक्तरत्नमाला धणं च धन्नं च बहुप्पयारं, कुडुंबमेयं पि धुवं असारं / जाणित्तु धम्मं कुरु सव्ववारं, जओ लहिज्जा लहु दुक्खपारं // असासएमु विसएमु सज्जो, जो मुज्झइ मिच्छपहे अणज्जो। सो चंदणं रक्खकए दहिज्जा, चिंतामणिं कायकए गमिज्जा॥ पूया जिणाणं सुगुरूण सेवणं, धम्मक्खराणं सवणं वियारणं / तवोविहाणं तह दानदापणं, सुसावयाणं बहुपुम्नभायणं // 29 // कोहाइ या सोलस जे कसाया, पञ्चवखस्या नणु ते पिसाया। छलंति ते लोयमिमं समग्गं, दुक्खं समप्पंति तहा उदग्गं॥३०॥ परोपहासं न कहिं पि कुज्जा, लहुत्तणं जेण जणो लहिज्जा / परस्स दोसेसु मणं न दिज्जा, धीमं नरो धम्मधुरं धरिजा / 31 // जिणिंदसिद्धारियचेइयाणं, संघस्स धम्मस्स तहा गुरूणं / सुयस्सुवज्झायसुदंसणेसु, दसण्हमेसि विणयं करेसु // 32 // मणे मणागं पिहु तिव्वरोसो, न धारियव्यो कयपावपोसो। जओ भवे पुन्नजलरस सोसो, संपज्जए कस्स वि नेव तोसो।।३३॥ महारिसीणं अरिणा समाणो, न आणि यव्यो हिययम्मि माणो। धम्म अहम्मं च वियाणमाणो, हुज्जा जणो जेण जडोवमाणो॥ सुसाहुवग्गस्स मणे अमाया, निसेहियव्वा सययं पि माया। समग्गलोयाण विजा विमाया-समा समुप्पाइयमुप्पमाया // 35 // जेणं भवे बंधुजणे विरोहो, विवड्ढए रज्जधणम्मि मोहो / जो जंपिओ पाक्तरुप्परोहो, न सेवियन्वो विसमोस लोहो॥३६॥
