________________ श्रीजिनाशासूक्तानि मुणह सोअव्वाई, पसंसह पसंसणिज्जाई / परिहरह परिहरिअ-व्वाइं आयरह आयरिअव्वाई // 16 // सोअव्वाई नरामरसिवसहजगयाइं अत्थसाराई / सव्वन्नुभासिआई, भुवणम्मि पइडिअनसाइं // 17 // ताई चिअ विबुहागं, पसंसणिज्जाई तह य जाइं च / तहिं चिय भणिआई, सम्मत्तनाणचरणाई // 18 // परिहरिअव्वाइं तहा, कुगइवासस्स हेउभूआई। मिच्छत्तमाइआई, लोगविरुद्धाइं य तहेव // 19 // आयरिअव्वाई अणि-स्सिएण सम्मत्तनाणचरणाई / दोगचविउडणाई, चिंतामणिरयणभूआई // 20 // सव्वस्स चेव निन्दा, विसेसओ तह य गुणसमिद्धाणं / उजुधम्मकरणहसणं, रीढा जणपूयणिज्जाणं // 21 // बहुजणविरुद्धसंगो, देसादाचारलंघणं चेव / / उब्वण भोगो य तहा, दाणाइ वि पगडमण्णे तु // 22 // साहुबसणंमि तोलो, सह सामथम्मि अपडियारो य। एवमाइयाणि एत्थं, लोगविरुद्धाणि णेयाणि // 23 // आयरणा वि हु आणा, अविरुद्धा चेव होइ आण ति / इहरा तित्थयरासा-यण त्ति तल्लक्खणं चेयं // 24 // असढेण समाइण्णं, जं कत्थइ केणई असावज्ज / न निवारियमन्नेहिं, बहुमणुमयमेवमाइण्णं // 25 //
