________________ श्रीनिरयावलिकासूत्र :: कल्पिकावर्गः 1 [ 446 अहं जीवमाणं पासिज्जा ? श्रोहयमणसंकप्पा जाव झियाइ // सू० 6 // ते णं काले णं ते णं समए णं समणे भगवं महावीरे समोसरिते परिसा निग्गया 1 / तते णं तीसे कालीए देवीए इमीसे कहाए लट्ठाए समाणीए अयमेतारूवे अज्झथिए जाव समुप्पजित्था-एवं खलु समणे भगवं महावीरे पुवाणुपुब्बिं जाव इहमागते जाव विहरति, तं महाफलं खलु तहारूवाणं जाव विउलस्स अट्ठस्स गहणताए, तं गच्छामि गं समणं जाव पज्जुवासामि 2 / इमं च णं एयारूवं वागरणं पुच्छिस्सामि तिकटु एवं संपेहेइ संपेहित्ता कोडुबियपुरिसे सद्दावेति 2 ता एवं वदासि खिप्पामेव भो देवाणुप्पिया ! धम्मियं जावप्पवरं जुत्तमेव उवट्ठवेह, उवट्ठवित्ता जाव पचप्पिणंति 3 / तते णं सा काली देवी गहाया क्यबलिकम्मा जाव अप्पमहग्याभरणालंकियसरीरा बहूहिं खुजाहिं जाव महत्तरगविंदपरिक्खित्ता अंतेउरायो निग्गच्छइ, निग्गच्छित्ता जेणेव बाहिरिया उवट्ठाणसाला जेणेव धम्मिए जाणप्पवरे तेणेव उवागच्छह 2 धम्मियं जाणप्पवरं दुरुहति 2 नियगपरियालसंपरिवुडा पं नयरीं मझ मज्झेणं निग्गच्छति 2 जेणेव पुन्नभद्दे चेइए तेणेव आगच्छइ 2 छत्तादीए जाव धम्मियं जाणप्पवरं ठवेति 2 धम्मियाश्रो जाणप्पवरायो पचोरुहति 2 बहुहिं जाव खुजाहिं विंदपरिक्खित्ता जेणेव समणे भगवं महावीरे तेणेव उवागच्छति 2 समणं भगवं महावीरं तिखुत्तो वंदति ठिया चेव सपरिवारा सुस्सूसमाणा नमसमाणा अभिमुहा विणएणं पंजलिउडा पज्जुवासति // सू० 10 // तते णं समणे भगवं जाव कालीए देवीए तीसे य महतिमहालियाए धामकहा भाणियव्वा जाव समणोवासए वा समणोवासिया वा विहरमाणा प्राणाए अाराहए भवति // सू० 11 // तते णं सा काली देवी समणस्स भगवश्रो अंतियं धम्मं सोचा निसम्म जाव हियया समणं भगवं तिखुत्तो जाव एवं वदासि एवं खलु भंते ! मम पुत्ते काले कुमारे तिहिं दंतिसहस्सेहिं जाव रहमुसलसंगाम श्रोयाते, से णं भंते ! किं जइस्सति ?
