________________ 450 ] [ श्रीमदागमसुधासिन्धुः :: सप्तमो विभागः नो जइस्सति ? जाव काले णं कुमारे अहं जीवमाणं पासिजा ? कालीति समणे भगवं कालिं देवि एवं वयासी-एवं खलु काली ! तव पुत्ते काले कुमारे तिहिं दंतिसहस्सेहिं जाव कूणिएणं रन्ना सद्धि रहमुसलं संगाम संगामेमाणे हयमहिय-पवरवीरघातित-निवडित-चिंधज्झयपडागे निरालोयातो दिसातो करेमाणे चेडगस्स रन्नो सपक्खं सपडिदिसि रहणं पडिरहं हव्वमागते 1 / तते णं से चेडए राया कालं कुमारं एजमाणं पासति, कालं एजमाणं पासित्ता प्रासुरुत्ते जाव मिसिमिसेमाणे धणु परामुसति 2 उसु परामुमइ 2 वइसाहं ठाणं गति 2 श्राययकराणायतं उसु करेति 2 कालं कुमारं एगाहच्चं कूडाहच्चं जीवियायो ववरोवेति 2 / तं कालगते णं काली ! काले कुमारे नो चेव णं तुमं कालं कुमारं जीवमाणं पासिहिसि 3 // सू० 12 // तते णं सा काली देवी समणस्स भगवश्रो अंतियं एयमटुं सोचा निसम्म महया पुत्तसोएणं अप्फुन्ना समाणी परसुनियत्ताविव चंपगलता धस ति धरणीतलंसि सव्वंगेहिं संनिवडिया 1 / तते णं सा काली देवी मुहुत्तंतरेणं अासत्था समाणी उट्ठाए उति उट्टित्ता समणं भगवं महावीरं वंदइ नमसइ 2 एवं वयासी-एवमेयं भंते ! तहमेयं भंते ! अवितहमेयं भंते ! असंदिगमेयं भंते ! सच्चेणं एसम8 से जहेतं तुब्भे वदह तिकटु समणं भगवं वंदइ नमसइ 2, तमेव धम्मियं जाणप्पवरं दुरुहति 2 जामेव दिसं पाउन्भूया तामेव दिसं पडिगता // सू० 13 // _ भंते ति भगवं गोयमे जाव वंदति नमंसति 2 एवं वयासी-कालेणं भंते ! कुमारे तिहिं दंतिसहस्सेहिं जाव रहमुसलं संगाम संगामेमाणे चेडएणं रन्ना एगाहच्चं कूडाहच्चं जीवियायो ववरोविते समाणे कालमासे कालं किचा कहिं गते ? कहिं उववन्ने ? गोयमाति ! समणे भगवं महावीरे गोयमं एवं वदासि-एवं खलु गोयमा ! काले कुमारे तिहिं दंतिसहस्सेहि जाव जीवियायो ववरोविते समाणे कालमासे कालं किच्चा चउत्थीए
