________________ [ श्रीमदागमसुधासिन्धुः / सप्तमो विभागः मंगलपायच्छित्ते सुद्धप्पावेसाई मंगल्लाइं वत्थाई पवरपरिहिए अप्पमहग्याभरणालंकियसरीरे मणुराणं थालीपागसुद्धं श्रद्वारसवंजणाउलं भोयणं भुत्ते समाणे तंसि तारिसगंसी वासघरंसि अभिंतरतो सचित्तकम्मे बाहिरो दूमियघट्टमविचित्त-उल्लोय-चिल्लियतले मणिरयणपणासियंधयारे बहुसमसुविभत्तभूमिभाए पंचवरण-सरससुरभिमुक्कपुष्फपुजोवयारकलिते कालागुरु पवरकुदुरुक-तुरुक-धूवमघमघंत-गंधु याभिरामे सुगंधवरगंधिए गंधवट्टिभूए तंसि तारिसगंसि सयणिज्जंसि सालिंगणवट्टिए उभगोबिब्बोयणे दुहयो उराणए मज्झे णयगंभिरे पण्णत्तगंडबिब्बोयणसुरम्मे गंगापुलिणवालुउद्दालसालिसए उवचियखोमदुमूलपट्टपडिच्छायणे सुविरइयरयत्ताणे रत्तंसुयसंबुडे सुरम्मे पाईणगरूय-बूरणवणीय-तूलफासे सुगंधवरकुसुमचुराण-सयणोवयार. कलिए ता एतारिसयाए सिंगारागारचारुवेसाए संगयगयहसियभणियचिट्ठियसंलावविलास-णिउण-जुत्तोवयारकुसलाए जोव्वणविलासकलिताए अणुरत्ताए य विरत्ताए मणोणुकूलाए भारियाए सद्धिं एगंतरइपसत्ते अण्णत्थ कत्थइ मणं यकुब्वमाणे इ8 सदफरिसरसरूवगंधे पंचविहे माणुस्सए कामभोगे पचणुभवमाणे विहरिजा, ता से णं पुरिसे विउसमणकालसमयंसि केरिसयं सायासोक्खं पञ्चणुभवमाणे विहरइ ? तं उरालं णं समणाउसो ! तस्स णं पुरिसस्स कामभोगेहिंतो वाणमंतराणं देवाणं एत्तो श्रणंतगुणविसिट्ठतराए चेव कामभोगा। वाणमंतराणं देवाणं कामभोगेहितो असुरिंदवजियाणं भवणवासीणं देवाणं एत्तो अणंतगुणविसिट्टतरगा चेव कामभोगा। असुरिंदवजियाणं भवणवासिणं देवाणं कामभोगेहिंतो एत्तो अणंतगुणविसिट्टतरा चेव असुरकुमाराणं इंदभूयाणं देवाणं कामभोगा। असुरकुमाराणं इंदभूयाणं देवाणं कामभोगेहितो अणंतगुणविसिट्टतरा चेव गहगणणक्खत्तताराख्वाणं कामभोगा। गहगणणक्खत्ततारारूवाणं कामभोगेहितो अणंतगुणविसिट्टतरा चेव. चंदिमसूरियाणं देवाणं कामभोगा / ता
