________________ 214 ] [ श्रीमदागमसुधासिन्धुः :: सप्तमो विभागः णंतरं मंडलं उवसंकमित्ता चारं चरइ तया णं श्रद्वारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहुत्ता राई भवइ दोहिं एगद्विभागमुहुत्तेहि अहिया 8 / से णिक्खममाणे सूरिए दोच्चंसि ग्रहोरत्तंसि अभंतरं तच्चं मंडलं उवसंकमित्ता चारं चरइ 1 / ता जया णं सूरिए अभितरं तच्चं मंडलं उपसंकमित्ता चारं चरइ तया णं अट्ठारसमुहुत्ते दिवसे. भवइ . चउहि एगट्ठिभागमुहुत्तेहिं ऊणे, दुवालसमुहुत्ता राई भवइ, चउहिं एगट्ठिभागमुत्तेहि अहिया 10 ! एवं खलु पएणं उवाएणं णिक्खममाणे सूरिए तयाणंतरायो मंडलायो तयाणंतरं मंडलं संकममाणे दो दो एगट्ठिभागमुहुत्ते एगमेगे मंडले दिवसखेत्तस्स णिवुडढेमाणे 2 रयणिखेत्तस्स अभिवुडढेमाणे 2 सब्बबाहिरमंडलं उवसंकमित्ता चारं चरइ 11 / ता जया णं सूरिए सव्वभंतरातो मंडलायो सव्वबाहिरं मंडलं उवसंकमित्ता चारं चरइ तया णं सव्वभंतरमंडलं पणिहाय एगेणं तेसीएणं राईदियसएण: तिरिण छाव? एगट्ठिभागमुहुत्तसते दिवसखेत्तस्स निबुडित्तां रतणिखेत्तस्स अभिवुट्टित्ता चारं चरइ, तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहरणए दुवालसमुहुत्ते दिवसे भवइ 12 / एस णं पदमे छम्मासे / एस णं पढमस्स छम्मासस्स पजवसाणे 13 / से पविसमाणे सूरिएं दोच्चं छम्मासं श्र(प्रा)यमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ 14 / ता जया णं सूरिए बाहिराणंतरं मंडलं उवसंकमित्ता चारं चरइ तया णं अट्ठारसमुहत्ता राई भवइ दोहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहिं अहिए 15 / से पविसमाणे सूरिए दोच्चंसि अहोरसि बाहिरं तच्चं मंडलं उवसंकमित्ता चार चरइ 16 / ता जया णं सूरिए बाहिरं तच्चं मंडलं उवसंकमित्ता चारं चरइ तया णं अट्ठारसमुहुत्ता राई भवइ चउहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ चाहिं एगट्ठिभागमुहुत्तेहिं अहिए 17 / एवं
