________________ 58 ] [ श्रीमदागमसुधासिन्धुः :: षष्ठो विभागः दीवा य / सामा पियंगुवन्ना वाउकुमारा मुणेयव्वा // 146 // असुरेसु हुति रत्ता सिलिंधपुष्पप्पभा य नागुदही / पासासग-वसणधरा होंति सुवन्ना दिसा थणिया // 147 // नीलाणुरागवसणा विज्जू अग्गी य हुंति दीवा य / संझाणुरागवसणा वाउकुमारा मुणेयव्वा // 148 // सू० 46 // कहि णं भंते ! वाणमंतराणं देवाणं पजत्तापजत्ताणं ठाणा पन्नत्ता ?, कहि णं भंते ! वाणमंतरा देवा परिखसंति ?, गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहलस्स उवरिं एगं जोयणसयं श्रोगाहित्ता हिट्ठावि एगं जोयणसयं वजित्ता मज्झे अट्ठसु जोयणसएसु एत्थ णं वाणमंतराणं देवाणं तिरियमसंखेजा भोमेज-नगरावास-सयसहस्सा भवंतीतिमक्खायं 1 / ते णं भोमेजा णगरा बाहिं वट्टा अंतो चउरंसा अहे पुक्खर-कन्निया-संठाणसंठिया उकिन्नंतर-विउल-गंभीर-खायफलिहा पागारट्टालय-कवाड-तोरण-पडिदुवार-देसभागा जंतसयग्धि-मुसल-मुसंदि परिवारिया श्रउज्झा सदाजया सदागुत्ता अडयाल-कोट्ठगरइया अडयालकयवणमाला खेमा सिवा किंकरामर-दंडोवरक्खिया लाउल्लोइयमहिया गोसीस-सरस-रत्तचंदण-दहर-दिन-पंचंगुलितला उवचिय-चंदणकलसा चंदणघड-सुकय-तोरण-पडिदुवारदेसभागा घासत्तोसत्त-विउल-वट्ट-वग्घारियमल्लदामकलावा पंचवरण-सरस-सुरहि-मुक्क-पुप्फपुंजोवयार-कलिया कालागुरु-पवर-कुदुरुक-तुरुक-धूव-मघमघंत-गंधुद्ध्याभिरामा सुगंधवरगंधिया गंधवट्टिभूया अच्छरगण-संघसंविकिन्ना दिव्वतुडिय-सहसंपणाइया पडागमालाउलाभिरामा सव्वरयणामया अच्छा सराहा लराहा घट्टा मट्ठा नीरया निम्मला निप्पंका निक्कंकडच्छाया सप्पहा सस्सिरिया समिरिया सउज्जोया पासाइया दरिसणिज्जा अभिरुवा पडिरूवा एत्थ णं वाणमंतराणं देवाणं पजत्तापजत्ताणं ठाणा पन्नत्ता 2 / तिसुवि लोयस्स असंखेज्जइभागे, तत्थ णं बहवे वाणमंतरा देवा परिवसंति, तंजहा-पिसाया भूया जवखा रक्खसा
