________________ श्रीमत्प्रज्ञापनोपाङ्ग-सूत्रम् / / पदं 2 / [ 56 किनरा किंपुरिसा भुयगवइणो महाकाया गन्धब्बगणा य निउण-गंधव्वगीयरइणो अणवनिय-पणवनिय-इसिवाइय-भूयवाइय-कंदिय-महाकंदिया य कुहंड-पयंगदेवा चंचल-चलचवल-चित्त-कीलणदवप्पिया गहिर-हसियगीय-णचणरइ वणमालामेल-मउड-कुडल-सच्छंद-विउब्वियाभरणचारभूसणधरा सव्वोउय-सुरभि-कुसुम-सुरइय-पलंब-सोहंतकंत-विहसंतचित्त-वणमाल-रइयवच्छा कामग(का)मा कामरूव-देहधारी णाणाविहवराण-राग-वर-वत्थ-ललंत-चित्त-चिललग--नियंसणा विविहदेसिनेवस्थ-गहियवेसा पमुइय-कंदप्प-कलह-केलि-कोलाहलप्पिया हासबोल बहुला असि-मुग्गर--सत्ति-कुंतहत्था अणेग-मणि-रयण--विविहनिज्जुत्त-विचित्त-चिंधगया सुरुवा महिड्डिया महज्जुइया महायसा महाबला मेहाणुभागा महासुक्खा हारविराइयवच्छा कडयतुडिय-थंभियभुया संगयकुंडल-मट्ठ-गंडयल-कन्नपीढधारी विचित्तहत्थाभरणा विचित्तमालामउली कलाणग-पवर-वत्थपरिहिया कल्लाणग-पवर-मल्लाणुलेवणधरा भासुरबोंदी पलंबवणमालधरा दिव्वेणं वन्नेणं दिव्वेणं गंधेणं दिवेणं फासेणं दिव्वेणं संघयणेणं दिव्वेणं संदाणेणं दिव्वाए इष्टीए दिव्याए जुईए दिव्वाए पभाए दिवाए छायाए दिव्वाए अचीए दिव्वेणं तेएणं दिव्वाए लेस्साए दस दिसायो उज्जोवेमाणा पभासेमाणा ते णं तत्थ साणं साणं असंखेजभोमेज-नगरावास-सयसहस्साणं साणं साणं सामाणियसाहस्सीणं साणं साणं अग्गमहिसीणं साणं साणं परिसाणं साणं साणं ग्रणीयाणं साणं साणं अणीयाहिबईणं साणं साणं पायरक्ख-देवसाहस्सीणं अन्नेसिं च बहूणं वाणमंतराणं देवाण य देवीण य ग्राहेवच्चं पोरेवच्चं सामितं भट्टित्तं महत्तरगत्तं प्राणाईसरसेणावच्चं कारेमाणा पालेमाणा महयाहय-नट्ट-गीय-वाइय-तंती-तल-ताल-तुडिय-घण-मुइंगपडुपवाइयरवेणं दिव्वाई भोगभोगाई भुजमाणा विहरंति 3 // सू० 47 / /
