________________ श्रीमत्प्रज्ञापनोपाङ्ग-सूत्रम् :: पदं 2 ] [ 43 जलासएसु जलठाणेसु, एत्थ णं तेइंदियाणं पजत्तापजत्तगाणं ठाणा पन्नत्ता, उववाएणं लोयस्स असंखेजइभागे समुग्घाएणं लोयस्स असंखेजइभागे सट्टाणेणं लोयस्स असंखेजइभागे 2 / कहि णं भंते ! चरिंदियाणं पजत्तापजत्तगाणं ठाणा पन्नत्ता ?, गोयमा ! उड्डलोए तदेकदेसभागे ग्रहोलोए तदेकदेसभागे तिरियलोए अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु रिलेसु बिलपंतियासु उज्झरेसु निझरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलाणेसु, एत्थ णं चउरिदियाणं पजत्तापजत्ताणं ठाणा पन्नत्ता, उववाएणं लोयस्स असंखेजइभागे, समुग्घाएणं लोयस्स असंखेजइभागे, सट्टाणेणं लोयस्स असंखेजइभागे 3 / कहि णं भंते ! पंचिंदियाणं पजत्तापजत्तगाणं ठाणा पन्नत्ता ?, गोयमा ! उड्डलोयस्स तदेकदेसभाए ग्रहोलोयस्स तदेकदेसभाए तिरियलोऐ अगडेसु तलाएसु नदीसु दहेसु वावीसु पुक्खरिणीसु दीहियासु गुजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निझरेसु चिललेसु पललेसु विप्पिणेसु दीवेसु समुद्देसु सब्वेसु चेव जलासएसु जलगणेसु एस्थ णं पंचिंदियाणं पजत्तापजत्ताणं ठाणा पन्नत्ता, उववाएण लोयस्स असंखेजइभागे, समुग्घाएणं लोयस्स असंखेजइभागे, सट्ठाणेणं लोयस्स असंखेजइभागे 4 // सू० 41 // कहि णं भंते ! नेरइयाणं पजत्तापजत्ताणं ठाणा पनत्ता ?, कहि णं भंते ! नेरइया परिवसंति ?, गोयमा ! सट्ठाणेणं सत्तसु पुढवीसु, तंजहा-रयणप्पभाए सकरप्पभाए वालुयप्पभाए पंकप्पभाए धूमप्पभाए तमप्पभाए तमतमप्पभाए, एत्थ णं नेरइयाणं चउरासीइ निरयावास-सयसहस्सा भवंतीति मक्खायं, ते णं नरगा अंतो वट्टा बाहिं चउरंसा अहे खुरप्प-संठाण-संठिया निच्चंधयारतमसा ववगय-गह-चंद-सूर-नक्खत्त-जोइसियपहा मेद-वसा-पूय-पडल-रुहिरमांस-चिक्खिल-लित्ताणुलेवणतला असुइबिभच्छा(वीसा) परमदुन्भिगंधा
