________________ 42 ] [ श्रीमदागमसुधासिन्धुः / षष्ठो विमागः गुजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निझरेसु चिल्ललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलठाणेसु, एत्थ णं बादर-वणस्सइकाइयाणं पजत्तगाणं ठाणा पन्नत्ता, उववाएणं सव्वलोए समुग्घाएणं सव्वलोए सट्ठाणेणं लोयस्स असंखेजइभागे 4 / कहि णं भंते ! बादर-वणस्सइकाइयाणं अपजत्तगाणं ठाणा पन्नत्ता ?, गोयमा ! जत्थेव बादर-वणस्सइकाइयाणं पजत्तगाणं ठाणा तत्थेव बादर-वणस्सइकाइयाणं अपज्जत्तगाणं ठाणा पन्नत्ता, उववाएणं सव्वलोए समुग्धाएणं सव्वलोए सट्टाणेणं लोयस्स असंखेजइभागे 5 / कहि णं भंते ! सुहुम-वणस्सइकाइयाणं पजत्तगाणं अपजत्तगाण य ठाणा पन्नत्ता, ?, गोयमा ! सुहुमवणस्सइकाइया जे य पजत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोय-परियावनगा पनत्ता, समणाउसो ! 6 // सू० 40 // ___ कहि णं भंते ! बेइंदियाणं पजत्तापजत्तगाणं ठाणा पन्नत्ता ?, गोयमा ! उडलोए तदेकदेसभागे ग्रहोलोए तदेकदेसभागे तिरियलोए अगडेसु तलारसु नदीसु दहेसु वावीसु पुक्खरिणीसु दीहियासु गुजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निझरेसु चिल्ललेसु पल्ललेसु वप्पिणेसु दीवेसु समुद्देसु सब्बेसु चेव जलासयेसु जलठाणेसु एत्थ णं बेइंदियाणं पजतापजत्तगाणं ठाणा पन्नत्ता, उववाएणं लोगस्स असंखेजइभागे, समुग्घाएणं लोगस्स असंखेजइभागे, सट्ठाणेणं लोयस्स असंखेजइभागे 1 / कहि णं भंते ! तेइंदियाणं पजतापज्जत्तगाण ठाणा पन्नत्ता ?, गोयमा ! उड्डलोए तदेकदेसभाए अहोलोए तदेकदेसभाए तिरियलोए अगडेसु तलाएसु नदीसु दहेसु वावीसु पुक्खरिणीसु दीहियासु गुजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसु निझरेसु चिललेसु पल्ललेसु वप्पिणेसु दीवेसु समुद्देसु सव्वेसु चेव
