________________ 216 ] [ श्रीमदागमसुधासिन्धुः :: षष्ठी विभागः चक्खिदिए णं मंते ! किंसंठिते पन्नत्ते ?, गोयमा ! मसूर-चंद-संठाणसंठिते पन्नत्ते 3 / घाणिदिए णं भंते ! पुच्छा, गोयमा ! अइमुत्तग-चंद-संठाणसंठिते पन्नते 4 / जिभिदिए णं पुच्छा, गोयमा ! खुरप्प-संठाणसंठिते पन्नत्ते 5 / फासिदिए णं पुच्छा, गोयमा ! णाणा-संगणसंठिते पन्नत्ते 1, 6 / सोइंदिए णं भंते ! केवइयं बाहल्लेणं पन्नत्ते ?, गोयमा ! अंगुलस्स असंखेजइभागे बाहल्लेणं पन्नत्ते 2, एवं जाव फासिदिए 7 / सोतिदिए णं भंते! केवइतं पोहत्तेणं पराणत्ते ? गोयमा ! अंगुलस्स असंखेजइभागं पोहत्तेणं पन्नत्ते, एवं चक्खिदिएवि घाणिदिएवि 8 / जिभिदिए णं पुच्छा गोयमा ! अंगुलपुहुत्तेणं पन्नत्ते 1 / फासिदिए णं पुच्छा गोयमा ! सरीरप्पमाणमेत्ते पोहतेणं पन्नत्ते 3, 10 / सोतिदिए णं भंते ! कतिपदेसिते पन्नत्ते ?, गोयमा ! अणंतपदेसिते पन्नत्ते, एवं जाव फासिदिए 11 // सूत्रं 111 // सोइंदिए णं भंते ! कतिपदेसोगाढे पन्नत्ते ?, गोयमा ! असंखेजपएसोगाढे पन्नत्ते, एवं जाव फासिदिए 1 / एएसि णं भंते ! सोतिदिय-चक्खिदिय-घाणिंदियजिभिदिय-फासिंदियाणं योगाहणट्ठयाए पएसट्टयाए योगाहणपएसट्टयाए कतरे हितो अप्पा वा बहुया वा तुला वा विसेसाहिया वा ?, गोयमा ! सम्वत्थोवे चक्खिदिते योगाहणट्टयाते सोतिदिए योगाहणट्ठयाते संखेज. गुणे घाणिदिए योगाहणट्ठयाते संखेजगुणे जिभिदिए योगाहणट्ठयाए असंखेजगुणे फासिदिए योगाहणट्ठयाए संखेजगुणे, पदेसट्ठयाते सव्वत्थोवे चक्खिदिए पदेसट्टयाए सोतिदिए पएसट्टयाए संखेजगुणे घाणिदिए पएसट्ठयाए संखिजगुणे जिभिदिए पएसट्टयाए असंखेजगुणे फासिदिए पएसट्टयाए संखेजगुणे, योगाहणपदेसट्टयाए सव्वत्थोवे चक्खिदिए योगाहणट्टयाए सोतिदिए योगाहणट्टयाए संखेजगुणे घाणिदिए योगाहणट्ठयाए संखिन्जगुणे जिभिदिए योगाहणट्ठयाए असंखेजगुणे फासिदिए योगाहणट्ठयाए संखिजगुणे फासिंदियस्स योगाहणट्ठयाएहितो चक्खिदिए पएसट्टयाए अांत
