________________ श्रीमत्प्रज्ञापनोपाङ्ग-सूत्रम् / / पदं 15-1 ] [ 217 गुणे सोतिदिए पएसट्टयाए संखेज्जगुणे घाणिदिए पएसट्टयाए संखिजगुणे जिभिदिए पएसट्टयाए असंखेजगुणे फासिदिए पदेसट्टयाते संखेजगुणे 1 / सोतिंदियस्त णं भंते ! केवइया कक्खड-गुरुयगुणा पन्नत्ता ?, गोयमा ! अणंता कक्खडगुरुयगुणा पन्नत्ता, एवं जाव फासिंदियस्स 2 / सोतिंदियस्स णं भंते ! केवइया मउय-लहुयगुणा पन्नत्ता ?, गोयमा !, अणंता मउयल हुयगुणा पन्नत्ता, एवं जाव फासिदियस्स 3 / एतेसि णं भंते ! सोइंदिय-चक्खिदिय-घाणिदियजिभिदिय-फासिंदियाणं कक्खडगुरुयगुणाणं मउय-लहुय-गुणाणं कक्खड-गुरुयगुण-मउयलहुयगुणाण य कयरे २हितो अप्पा वा 4 ?, गोयमा ! सव्वत्थोवा चक्खिदियस्स कक्खडगरुयगुणा सोतिंदियस्स कक्खडगरुयगुणा अणंतगुणा घाणिदियस्स कक्खडगरुयगुणा अणंतगुणा जिभिदियस्स कवखडगरुयगुणा अणंतगुणा फासिंदियस्स कक्खडगव्यगुणा अणंतगुणा, मउयलहुयगुणाणं सव्वत्योवा फासिदियस्स मउयलहुयगुणा जिभिदियस्स मउयलहुयगुणा अणंतगुणा घाणिदियस्स मउयलहुयगुणा अणंतगुणा सोतिदियस्स मउयलहुयगुणा अणंतगुणा चक्खिदियस्स मउयलहुयगुणा अणंतगुणा, कक्खडगरुयगुणाणं मउयलहुयगुणाण य सव्वत्थोवा चक्खिदियस्स कक्खडगुरुयगुणा सोतिदियस्स कक्खडगरुयगुणा अणंतगुणा घाणिदियस्स कक्खडगरुयगुणा अणंतगुणा जिभिदियस्स कक्खडगुरुयगुणा अणंतगुणा फासिदियस्स कक्खडगरुयगुणा अणंतगुणा फासिदियस्स कवखडगुरुयगुणेहितो तस्स चेव मउयलहुयगुणा गणंतगुणा जिभिदियस्स मउयलहुयगुणा अणंतगुणा घाणिदियस्स मउयलहुयगुणा अणंतगुणा सोतिदियस्स मउयलहुयगुणा अणंतगुणा चक्खिदियस्स मउयलहुयगुणा अणंतगुणा 4 ॥सूत्रं 112 // नेरइयाणं भंते ! कइ इंदिया पन्नत्ता ?, गोयमा ! पंचेंदिया पन्नत्ता, तंजहा-सोतिदिए जाव फासिदिए 1 / नेरइयाणं भंते ! सोतिदिए किंसंठिए पन्नत्ते ?, गोयमा ! कलंबुया-संठाणसंठिते पन्नत्ते 2 / एवं जहा श्रोहियाणं वत्तव्वया
