________________ 214 / [ श्रीमदागमसुधासिन्धुः // षष्ठो विभागः // अथ श्री कषायाख्यं चतुर्दशमं पदम् // कति णं भंते ! कसाया पराणत्ता ?, गोयमा ! चत्तारि कसाया पन्नत्ता, तंजहा-कोहकसाए माणकसाए मायाकसाए लोभकसाए 1 / नेरझ्याणं भंते ! कतिकसाया पन्नत्ता ?, गोयमा ! चत्तारि कसाया पन्नत्ता, तंजहा-कोहकसाए जाव लोभकसाए, एवं जाव वेमाणियाणं 2 // सूत्र 186 // कतिपतिट्ठिए णं भंते ! कोहे पन्नत्ते ?, गोयमा ! चउपतिट्ठिए कोहे पन्नत्ते, तंजहा-बायपतिट्ठिए परपतिट्ठिए तदुभयपतिट्ठिए अप्पइट्ठिते 1 / एवं नेरइयाणं जाव वेमाणियाणं दंडतो, एवं माणेणं दंडतो मायाए दंडयो लोभेणं दंडयो 2 / कतिहिं णं भंते ! ठाणेहि कोहुप्पत्ती भवति ?, गोयमा ! चउहिं ठाणेहिं कोहुप्पत्ती भवति, तंजहा-खेत्तं पडुच्च वत्थु पडुच्च सरीरं पडुच्च उवहिं पडुच्च, एवं नेरइयाणं जाव वेमाणियाणं 3 / एवं माणेणवि मायाएवि लोभेणवि, एवं एतेवि चत्तारि दंडगा 4 // सूत्रं 187 // कतिविधे णं भंते ! कोधे पराणते ?, गोयमा ! चउबिहे कोहे पन्नत्ते, तंजहा-अणंताणु. बंधि कोहे अपञ्चक्खाणे कोहे पञ्चक्खाणावरणे कोहे संजलणे कोहे, एवं नेरझ्याणं जाव वेमाणियाणं 1 / एवं माणेणं मायाए लोभेणं, एएवि चत्तारि दंडगा 2 // सूत्रं 188 || कतिविधे णं भंते ! कोधे पन्नत्ते ?, गोयमा ! चउविहे कोहे पन्नते, तंजहा-याभोगनिव्वत्तिए अणाभोगनिव्वत्तिए उवसंते अणुवसंते 1 / एवं नेरइयाणं जाव वेमाणियाणं 2 / एवं माणेणवि, मायाएवि, लोभेणवि, चत्तारि दंडगा 3 // सूत्रं 181 // जीवा णं भंते ! कतिहिं ठाणेहिं अट्ट कम्मपगडीयो चिणिंसु ?, गोयमा ! चउहिं ठाणेहिं अट्ठ कम्मपगडियो चिणिसु, तंजहा-कोहेणं माणेणं मायाए लोभेणं, एवं नेरइयाणं जाव वेमाणियाणं 1 / जीवा णं भंते ! कतिहिं ठाणेहिं अट्ठ कम्मपगडोश्रो चिणंति ?, गोयमा ! चउहिं ठाणेहिं, तंजहा-कोहेणं माणेणं मायाए लोभेणं, एवं नेरइया जाव वेमाणिया 2 | जीवा णं भंते ! कतिहिं
