________________ श्रीमत्प्रज्ञापनोपाङ्ग-सूत्रम् / / पदं 6 ) [ 157 जहन्नेणं एगं समयं उक्कोसेणं पणतालीसं राईदियाई 25 / महासुक्कदेवाणं पुच्छा, गोयमा ! जहन्नेणं एगं समयं उक्कोसेणं असीई राईदियाइं 26 / सहस्सारे देवाणं पुच्छा, गोयमा ! जहन्नेणं एगं समयं उनकोसेणं राइंदियसयं 27 / प्राणयदेवाणं पुच्छा, गोयमा ! जहन्नेणं एगं समयं उक्कोसेणं संखेजमासा 28 / पाणयदेवाणं पुच्छा, गोयमा ! जहन्नेणं एगं समयं उक्कोसेणं संखेजमासा 21 / श्रारणदेवाणं पुच्छा, गोयमा ! जहन्नेणं एगं समयं उक्कोसेणं संखिजवासा 30 / अच्चुयदेवाणं पुच्छा, गोयमा ! जहन्नेणं एगं समयं उक्कोसेणं संखिजवासा 31 / हिट्ठिमगेविजाणं पुच्छा, गोयमा ! जहन्नेणं एगं समयं उक्कोसेणं संखिजाई वाससयाई 32 / मझिमगेविजाणं पुच्छा, गोयमा ! जहन्नेणं एगं समयं उक्कोसेणं संखिजाई वाससहस्साई 33 / उवरिमगेविजाणं पुच्छा, गोयमा ! जहन्नेणं एगं समयं उक्कोसेणं संखिज्जाइं वाससयसहस्साई 34 / विजय-वेजयंत-जयंतअपराजितदेवाणं पुच्छा, गोयमा ! जहन्नेणं एगं समयं उक्कोसेणं असंखेज्जं कालं 35 / सव्वट्ठसिद्धगदेवाणं भंते ! केवइयं कालं विरहिया उववाएणं पन्नत्ता ?, गोयमा ! जहन्नेणं एगं समयं उक्कोसेणं पलियोवमस्स संखिजइभागं 36 / सिद्धा णं भंते ! केवइयं कालं विरहिया सिझणाए पन्नत्ता ?, गोयमा ! जहन्नेणं एगं समयं उक्कोसेणं छम्मासा 37 // सूत्रं 123 // रयणप्पभापुढविनेरइया णं भंते ! केवइयं कालं विरहिया उव्वट्टणाए पनत्ता ?, गोयमा ! जहन्नेणं एगं समयं उक्कोसेणं चउव्वीसं मुहुत्ता 1 / एवं सिद्धवजा उव्वट्टणावि भाणियव्वा जाव अणुत्तरोववाइयत्ति, नवरं जोइसियवेमाणिएसु चयणंति अहिलावो काययो 2 / दारं 2 // सूत्रं 124 // नेरझ्या णं भंते ! किं संतरं उववज्जंति निरंतरं उववज्जति ?, गोयमा ! संतरंपि उववज्जति निरंतरंपि उववज्जति 1 / तिरिक्खजोणिया णं भंते ! किं संतरं उववज्जति निरंतरं उववज्जति ?, गोयमा ! संतरंपि उववज्जति
