________________ 158 ] [ श्रीमदागमसुधासिन्धुः षष्ठो विभागः निरंतरंपि उववज्जति 2 / मणुस्सा णं भंते ! किं संतरं उववज्जंति निरंतरं उववज्जति ?, गोयमा ! संतरंपि उववज्जंति निरंतरंपि उववज्जति 3 / देवा णं भते ! किं संतरं उववज्जति निरंतरं उववज्जंति ?, गोयमा ! संतरंपि उववज्जति निरंतरंपि उववज्जति 4 / रयणप्पभापुढविनेरइया णं भंते ! किं संतरं उववज्जंति निरंतरं उववज्जंति ?, गोयमा ! संतरंपि उववज्जति निरंतरंपि उववज्जंति 5 / एवं जाव अहेसत्तमाए संतरंपि उववज्जंति निरंतरंपि उववज्जंति 6 / असुरकुमारा णं देवा णं भंते ! कि संतरं उववज्जंति निरंतरं उववज्जंति ?, गोयमा ! संतरंपि उववज्जति निरंतरंपि उववज्जंति, एवं जाव थणियकुमारा णं संतरपि उववज्जंति निरंतरंपि उववज्जति 7 / पुढविकाइया णं भंते ! किं संतरं उववज्जंति निरंतरं उववज्जंति ?, गोयमा ! नो संतरं उववज्जति निरंतरं उववज्जंति, एवं जाव वणस्सइकाइया नो संतरं उववज्जति निरंतरं उववज्जति 8 / बेइंदिया णं भंते ! किं संतरं उववज्जंति निरंतरं उववज्जति ?, गोयमा ! संतरंपि उववज्जंति निरंतरंपि उववज्जंति, एवं जाव पंचिंदियतिरियक्खजोणिया 1 / मणुस्सा णं भंते ! किं संतरं उववज्जति निरंतरं उववज्जति ?, गोयमा ! संतरंपि उववज्जति निरंतरंपि उववज्जति 10 / एवं वाणमंतरा जोइसिया सोहम्मीसाण-सणंकुमार-माहिंद-बंभलोय-लंतग महासुक्क-सहस्सार-पाणय-पाणयपारणच्चय--हिट्ठिमगेविजग--मज्झिममेगविजग---उवरिमगेविजग--विजयवेजयंत-जयंत-अपराजित-सबट्टसिद्धदेवा य संतरपि उववज्जति निरंतरंपि उपवज्जति 11 / सिद्धा णं भंते ! कि संतरं सिझति निरंतरं सिझति ?, गोयमा ! संतरंपि सिझति निरंतरंपि सिझति 12 // सूत्रं 125 // नेरइया णं भंते ! किं संतरं उबट्टांति निरंतरं उव्वट्टति ?, गोयमा ! संतरंपि उब्वट्टति निरंतरंपि उबट्टति 1 / एवं जहा उववायो भणियो तहा उव्वट्टणावि सिद्धवजा भाणियन्वा जाव वेमाणिया, नवरं जोइसिय
