________________ 156 ) [ श्रीमदागमसुधासिन्धुः / षष्ठो विभागः कुमाराणं वाउकुमाराणं थणियकुमाराण य पत्तेयं पत्तेयं जहन्नेणं एगं समयं उक्कोसेणं चउव्वीसं मुहुत्ता 10 / पुढविकाइया णं भंते ! केवइयं कालं विरहिया उववाएणं पन्नत्ता ?, गोयमा ! अणुसमयमविरहियं उववाएणं पन्नत्ता ?, 11 / एवं बाउकाइयाणवि तेउकाइयाणवि वाउकाइयाणवि वणस्सइकाइयाणवि श्रणुसमयं अविरहिया उववाएणं पन्नत्ता 12 / बेइंदिया णं भंते ! केवइयं कालं विरहिया उववाएणं पन्नत्ता ?, गोयमा ! जहन्नेणं एगं समयं उक्कोसेणं अंतोमुहत्तं एवं तेइंदियचउरिंदिया 13 / समुच्छिमपंचिंदिय-तिरिक्खजोणिया णं भंते ! केवइयं कालं विरहिया उववाएणं पन्नत्ता ?, गोयमा ! जहन्नेणं एगं समयं उक्कोसेणं अंतोमुहुत्तं 14 / गम्भवक्कंतिय-पंचेंदिय-तिरिक्खजोणिया णं भंते ! केवइयं कालं विरहिया उववाएणं पन्नत्ता ?, गोयमा ! जहन्नेणं एगं समयं उक्कोसेणं बारस मुहुत्ता 15 / संमुच्छिम मणुस्सा णं भंते ! केवइयं कालं विरहिया उववाएणं पन्नत्ता ?, गोयमा! जहन्नेणं एगं समयं उक्कोसेणं चउव्वीसं मुहुत्ता 16 ।गभवक्कंतियमणुस्साणं पुच्छा, गोयमा ! जहन्नेणं एगं समयं उक्कोसेणं बारस मुहुत्ता 17 / वाणवंतराणं पुच्छा, गोयमा ! जहन्नेणं एगं समयं उक्कोसेणं चउव्वीसं मुहुत्ता 18 / जोइसियाणं पुच्छा, गोयमा ! जहन्नेणं एगं समयं उकोसेणं चउव्वीसं मुहुत्ता 11 / सोहम्मे कप्पे देवा णं भंते ! केवइयं कालं विरहिया उववाएणं पन्नत्ता?, गोयमा ! जहन्नेणं एगं समयं उक्कोसेणं चउव्वीसं मुहुत्ता 20 / ईसाणे कप्पे देवाणं पुछा, गोयमा ! जहन्नेणं एगं समयं उकोसेणं चउव्वीसं मुहुत्ता 21 / सणंकुमारे कप्पे देवाणं पुच्छा, गोयमा ! जहन्नेणं एगं समयं उक्कोसेणं गाव राइंदियाइं 22 / माहिदे देवाणं पुच्छा, गोयमा ! जहन्नेणं एगं समयं उक्कोसेणं बारस राइंदियाणं दस मुहुत्ता 23 / बंभलोए देवाणं पुच्छा, गोयमा ! जहन्नेणं एगं समयं उकोसेणं अद्धतेवीसं राइंदियाई 24 / लंतगदेवाणं पुच्छा, गोयमा !
