________________ 40 / / श्रीमदागमसुधासिन्धुः :: पञ्चमो विभागः भवंति, दुचिराणा कम्मा दुचिराणफला भवति, फुसइ पुराणपावे, पञ्चायंति जीवा, सफले कल्लाणपावर 3 / धम्ममाइक्खइ-इणमेव णिग्गंथे पावयणे सच्चे अणुत्तरे केवलए संसुद्धे पडिपुराणे णेग्राउए सलकत्तणे सिद्धिमन्गे मुत्तिमग्गे णिव्वाणमग्गे णिजाणमग्गे अवितहमविसंधि सव्वदुक्खप्पहीणमग्गे इहट्ठिया जीवा सिझंति बुझंति मुच्चंति परिणिब्बायंति सव्वदुवखाणमंतं करंति 4 / एगच्चा पुण एगे भयंतारो पुवकम्मावसेसेणं अगणयरेसु देवलोएसु देवत्ताए उववत्तारो भवंति, महड्डीएसु जाव महासुक्खेसु दूरंगइण्सु चिरट्ठिईएसु, ते णं तत्थ देवा भवंति महड्डीया जाव चिरट्टिईया हारविराइयवच्छा जाव पभासमाणा कप्पोवगा गतिकल्लाणा यागमेसिभदाजाव पडिरूवा, तमाइक्खइ एवं खलु चउहि ठाणेहिं जीवाणेरइयत्ताए कम्मं पकरेंति, गोरइयत्ताए कम्मं पकरेत्ता णेरइसु उववज्जति, तंजहा-महारंभयाए महापरिग्गयाए पंचिंदियवहेणं कुणिमाहारेणं, एवं एएणं अभिलावेणं तिरिक्खजोणिएसु माइलयाए णियडिल्लयाए अलिअवयणेणं उक्कंचणयाए वंचणयाए, ममुस्सेसु पगतिभद्दयाए पगतिविणितताए साणुकोसयाए अमच्छरियताए, देवेसु सरागसंजमेणं संजमासंजमेणं अकामणिजराए बालतबोकम्मणं 5 / तमाइक्खइ,-जह णरगा गम्मति जे णरगा जा य वेयणा गारए।सारीरमाणसाइं दुक्खाइंतिरिक्खजोणीए / / 1 / / माणुस्सं च अणिच्चं वाहिजरामरणवेयगाापउरं / देवे य देवलोए देविढि देवसोक्खाइं // 2 // गारगं तिरिक्खजोगि माणुसभावं च देवलोयं च / सिद्धे अ सिद्धवसहि छजीवणियं परिकहेइ // 3 // जह जीवा बभंति मुच्चंति जह य परिकिलिस्संति / जह दुक्खाणं अंतं करंति केई अपडि. बद्धा // 4 // अट्टा अट्टियचित्ता (अट्टनियट्टियचित्ता, अट्टदुट्टियचित्ता) जह जीवा दुक्खसागरमुर्विति / जह वेरग्गमुरगया कम्मसमुग्गं विहाडंति // 5 // जहा रागेण कडाणं कम्माणं पावगो फलविवागो। जह य परिहीणकम्मा सिद्धा सिद्धालयमुर्विति // 6 // (एवं खलु जीवा निस्सीला निव्वया णिग्गुणा
