________________ श्रीराजप्रश्नीय-सूत्रम् / [ 156 तस्स णं अजगस्स तुमं णत्तुए होत्था इ8 कते जाव पासणयाए, से णं इच्छइ माणुसं लोगं हव्वमागच्छित्तए णो चेव णं संचाएति हव्वमागच्छित्तए 3 / चऊहिं ठाणेहिं पएसी अहुणोववरणए नरएसु नेरइए इच्छेइ माणुसं लोगं हव्वमागच्छित्तए नो चेव णं संचाएइ-अहुणोववन्नए नरएसु नेरइए से णं तत्थ महब्भूयं वेयणं वेदेमाणे इच्छेजा माणुस्सं लोगं हव्वमागच्छित्तए णो चेव णं संचाएइ 1, अहुणोववन्नए नरएसु नेरइए नरयपालेहिं भुजो भुजो समहिट्ठिजमाणे इच्छइ माणुसं लोगं हबमागच्छित्तए नो चेव णं संचाएइ 2, अहुणोववन्नए. नरएसु नेरइए निरयवेयणिज्जसि कम्मंसि अक्खीणंसि अवेइयंसि अनिजिन्नंसि इच्छइ माणुसं लोगं हव्वमागच्छित्तए नो चेव णं संचाएइ 3, एवं णेरइए निरयाउयंसि कम्मंसि अक्खीणंसि अवेइयंसि अणिजिन्नंसि इच्छइ माणुसं लोगं हबमागच्छित्तए नो चेव णं संचाएइ हव्यमागच्छित्तए 4, इच्चेएहिं चऊहिं ठाणेहिं पएसी अहुणोववन्ने नरएसु नेरइए इच्छइ माणुसं लोगं हव्वमागच्छित्तए णो चेव णं संचाएइ 4 / तं सदहाहि गां पएसी ! जहा-अन्नो जीवो अन्नं सरीरं, नो तं जीवो तं सरीरं 1. 5 // सू० 168 // तए णं से पएसी राया केसि कुमारसमणं एवं वदासी यत्थि णं भंते ! एसा पराणा उवमा, इमेण पुण कारणेण नो उवागछइ, एवं खलु भंते ! मम जिया होत्था इहेव सेयवियाए नगरीए धम्मिया जाव वित्तिं कप्पेमाणी समणोवासिया अभिगयजीवाजीवे उवलद्धपुराणपावे सव्वो वराणो जाव अप्पाणं भावमाणी विहरड़, साणं तुझ वत्तव्वयाए सुबहुं पुन्नोवचयं समजिणित्ता कालमासे कालं किच्चा अराणयरेसु देवलोएसु देवत्ताए उववराणा, तीसे णं अजियाए ग्रहं नत्तुए होत्था इट्टे कंते जाव पासणयाए, तं जइ णं सा अजिया मम श्रागंतु एवं वएजा-एवं खलु नत्तुया ! अहं तव अजिया होत्था, इहेव सेयवियाए नयरीए धम्मिया जाव वित्ति कप्पेमाणी समणोवासिया जाव विहरामि 1 /
