________________ 148 ] [ श्रीमदागमसुधासिन्धुः :: पञ्चमो विभागः ग्रहापरिग्गहेहिं तवोकम्मेहि अप्पाणं भावमाणे जाई तत्थ रायकजाणि य जाव रायववहाराणि य ताइं जियसत्तुणा रराणा सद्धि सयमेव पच्चुवेक्खमाणे पच्चुवेक्खमाणे विहरइ // सू० 151 // तए णं से जियसत्तुराया अण्णया कयाइ महत्थं जाव पाहुडं सज्जेइ, चित्तं सारहिं सदावेइ सदावित्ता एवं वयासीगच्छाहि णं तुमं चित्ता ! सेयवियं नगरिं, पएसिस्स रनो इमं महत्थं जाव पाहुडं उवणेहि, मम पाउग्गं च णं जहाभणियं अवितहमसंदिलं वयणं विनवेहि त्ति कटु विसजिए 1 / तए णं से चित्ते सारही जियसत्तुणा रन्ना विसजिए समाणे तं महत्थं जा गिराहइ जाव जियसत्तुस्स रराणो अंतियायो पडिनिक्खमइ सावत्थीनयरीए मज्झमज्झणं निग्गच्छइ जेणेव रायमग्गमोगाढे श्रावासे तेणेव उवागच्छइ तं महत्थं जाव ठवइ 2 / राहाए जाव सरीरे सकोरंटमल्लदामेणं छत्तेणं धरिजमाणेणं महया भड-चडगर-विंदपरिक्खित्ते पायचारविहारेण महया पुरिसवग्गुरापरिक्खित्ते रायमग्गमोगाढायो अावासानो निग्गच्छइ सावत्थीनगरीए मज्झमज्भेणं निग्गच्छति जेणेव कोट्ठए चेइए जेणेव केसी कुमारसमणे तेणेव उवागच्छति केसिकुमारसमणस्स अंतिए धम्मं सोचा जाव हट्ठ उट्ठाए जाव एवं वयासी-एवं खलु अहं भंते ! जियसत्तुणा रन्ना पएसिस्स रन्नो इमं महत्थं जाव उवणेहि त्ति कटु विसजिए, तं गच्छामि णं अहं भंते ! सेयवियं नगरि, पासादीया णं भंते ! सेयविया णगरी, एवं दरिसणिजा णं भंते ! सेयविया णगरी, अभिरुवा णं भंते ! सेयविया नगरी, पडिरूवा णं भंते ! सेतविया नगरी, समोसरह णं भंते ! तुम्भे सेयवियं नगरि 3 // सू० 152 // तए णं से केसी कुमारसमणे चित्तेणं सारहिणा एवं वुत्ते समाणे चित्तस्स सारहिस्स एयम?णो श्राढाइ णो परिजाणाइ तुसिणीए संचिट्ठइ 1 / तए णं से चित्ते सारही केसीकुमारसमणं दोच्चं पि तच्चं पि एवं वयासी-एवं खलु अहं भंते ! जियसत्तुणा रना पएसिस्स रराणो इमं महत्थं जाव विसजिए
