________________ श्रीराजप्रश्नीय-सूत्रम् ] [ 149 तं चेव जाव समोसरह णं भंते ! तुब्भे सेयवियं नगरि 2 ! तए णं केसीकुमारसमणे चित्तेण सारहिणा दोच्चं पि तच्चं पि एवं वुत्ते समाणे चित्तं सारहिं एवं वयासी-चित्ता ! से जहानामए वणसंडे सिया किराहे किराहोभासे जाव पडिरूवे 3 / से णूणं चित्ता ! से वणसंडे बहूणं दुपय-चउप्पयमिय-पसु-पक्खीसिरीसिवाणं अभिगमणिज्जे ?, हंता अभिगमणिज्जे 4 / तंसि च णं चित्ता ! वणसंडसि बहवे भिलुगा नाम पावसउणा परिवसंति, जे णं तेसिं बहूणं दुपय-चउप्पय-मिय-पसु-पक्खीसिरीसिवाण ठियाणं चेव मंससोणियं श्राहारेति 5 / से गुणं चित्ता ! से वणसंडे तेसि णं बहूणं दुपय जाब सिरीसिवाणं अभिगमणिज्जे ? णो तिण? सम8, कम्हा णं ? भंते ! सोवसग्गे, एवामेव चित्ता ! से तुम्भं पि सेवियाए णयरीए पएसी नाम राया परिवसइ अहम्मिए जाव णो सम्मं करभरवित्तिं पवत्तेइ, तं कहं णं अहं चित्ता ! सेयवियाए नगरीए समोसरिस्सामि ? 6 // सू० 153 // तए णं से चित्ते सारही केसि कुमारसमणं एवं वयासी-किं णं भंते ! तुब्भं पएसिणा रना कायव्वं ? अस्थि णं भंते ! सेयवियाए नगरीए अन्ने बहवे ईसरतलवर जाव सत्थवाहपभिइयो जे णं देवाणुप्पियं वंदिस्संति नमंसिस्सति जाव पज्जुवासिस्संति विउलं असणं पाणं खाइमं साइमं पडिलाभिस्संति, पाडिहारिएण पीढफलगसेज्जासंथारेणं उवनिमंतिस्संति, तए णं से केसी कुमारसमणे चित्तं सारहिं एवं वयासी-अवि या इं चित्ता ! (आविस्संति चित्ता) जाणि. (समोसरि)स्सामो॥सू० 154 // तए णं से चित्ते सारही केसिकुमारसमणं वंदइ नमंसइ केसिस्स कुमारसमणस्स अंतियात्रो कोट्टयायो चेइयायो पडिणिकखमइ जेणेव सावत्थी गगरी जेणेव रायमग्गमोगाढे श्रावासे तेणेव उवागच्छइ कोडुबियपुरिसे सद्दावेइ सदावित्ता एवं वयासी-खिप्पामेव भो देवाणुप्पिया! चाउग्घंटे बासरहं जुत्तामेव उवट्ठवेह जहा सेयवियाए नगरीए निग्गच्छद तहेव जाव वसमाणे कुणालाजणवयस्स मज्झमझेणं जेणेव केइयश्रद्धे
