________________ 146 ] [ श्रीमदागमसुधासिन्धुः / पञ्चमो विमागः हट्टतुट्ठ जाव हियए कोडुबियपुरिसे सद्दावेइ सहावित्ता एवं वयासीखिप्पामेव भो! देवाणुप्पिया ! चाउग्घंटं बासरहं जुत्तामेव उवट्ठवेह जाव सच्छत्तं उवट्ठवेंति, तए णं से चित्ते सारही गहाए कयवलिकम्मे कयकोउयमंगलपायच्छित्ते सुद्धप्पावेसाई मंगलाई वत्थाई पवरपरिहिते अप्पमहग्याभरणालंकियसरीरे जेणेव चाउग्घंटे बासरहे तेणेव उवागच्छइ उवागच्छित्ता चाउग्घंटं ग्रासरहं दुरूहइ सकोरिटमल्लदामेणं छत्तेणं धरिजमाणेणं महया भडचडगरेण विंदपरिखित्ते सावत्थीनगरीए मझमज्झेणं निग्गच्छइ निग्गच्छित्ता जेणेव कोट्टए चेइए जेणेव केसिकुमारसमणे तेणेव उवागच्छइ उवागच्छित्ता केसिकुमारसमणस्स अदूरसामंते तुरए णिगिराहइ रहं ठवेइ य, ठवित्ता पचोरुहति पचोरुहित्ता जेणेव केसिकुमारसमणे तेणेव उवागच्छइ उवागच्छिता केसिकुमारसमणं तिक्खुत्तो पायाहिणंपयाहिणं करेइ करित्ता वंदइ नमसइ वंदित्ता नमंसित्ता णचासराणे णातिदूरे सुस्सूसमाणे णमंसमाणे अभिमुहे पंजलिउडे विणएणं पज्जुवासइ 1 / तए णं से केसिकुमारसमणे चित्तस्स सारहिस्स तीसे महतिमहालियाए महच्चपरिसाए चाउज्जामं धम्म परिकहेइ, तंजहा-सव्वाश्रो पाणाइवायायो वेरमणं, सव्वायो मुसावायायो वेरमणं, सव्वायो अदिराणादाणाश्रो वेरमणं, सव्वाश्रो बहिद्धादाणायो वेरमणं 2 / तए णं सा महतिमहालिया महच्चपरिसा केसिस्स कुमारसमणस्स अंतिए धम्मं सोचा निसम्म जामेव दिसि पाउन्भूया तामेव दिसि पडिगया 3 // सू० 141 // तए णं से चित्ते सारही केसिस्स कुमारसमणस्स अंतिए धम्म सोचा निसम्म हट्ट जाव हियए उट्टाए उटठेइ उठेत्ता केसि कुमारसमणं तिक्खुत्तो थायाहिणंपयाहिणं करेइ वंदइ नमसइ वंदित्ता नमंसित्ता, एवं वयासी-सदहामि णं भंते ! निग्गंथं पावयणं, पत्तियामि णं भंते ! निग्गंथं पावयणं, रोएमि णं भंते ! निग्गंथं पावयणं, अब्भुट्ठमि णं भंते ! निग्गंथं पावयणं, एवमेयं निग्गेयं पावयणं, तहमेयं भंते ! निग्गंथं पांवयणं,
