________________ 82] [ श्रीमदागमसुधासिन्धुः / चतुर्थो विभागः जाव विहरति, तते णं से थावच्चापुत्ते अरहतो अरिष्टनेमिस्स तहाख्वाणं थेराणं अंतिए सामाइयमाझ्याति चोइस पुव्वाइं अहिजति 2 बहूहिं जाव चउत्थेणं विहरति 11 / तते णं अरिहा अरिट्ठनेमी थावच्चापुत्तस्स अणगारस्स तं इन्भाइयं अणगारसहस्सं सीसत्ताए दलयति, तते णं से थावच्चापुत्ते अन्नया कयाई अरहं अरिट्टनेमि वंदति नमंसति 2 एवं वदासी-इच्छामि णं भंते ! तुम्भेहिं अब्भणुनाते समाणे सहस्सेणं अणगारेणं सद्धिं बहिया जणवयविहारं विहरित्तए, अहासुहं देवाणुप्पिया ! तते णं से थावचापुत्ते यणगारसहस्सेणं सद्धिं तेणं उरालेणं उग्गेणं पयत्तेणं पग्गहिएणं जाव बहिया जणवयविहारं विहरति 12 // सूत्रं 60 // . तेणं कालेणं तेणं समएणं सेलगपुरे नामं नगरं होत्था, सुभूमिभागे उजाणे, सेलए राया पउमावती देवी मंडुए कुमारे जुवराया, तस्स णं सेलगस्स पंथगपामोक्खा पंच मंतिसया होत्था उप्पत्तियाए वेणाइयाए 4 उववेया रजधुरं चिंतयंति 1 / थावचापुत्ते सेलगपुरे समोसढे राया णिग्गतो धम्मकहा, धम्मं सोचा जहा णं देवाणुप्पियाणं अंतिए बहवे उग्गा भोगा जाव चइत्ता हिरन्नं जाव पबइत्ता तहा णं अहं नो संचाएमि पव्वत्तित्तए 2 / अहन्नं देवाणुप्पियाणं अंतिए पंचाणुव्वइयं जाव समणोवासए जाव अहिगयजीवाजीवे जाव अप्पाणां भावमाणे विहरंति, पंथगपामोक्खा पंच मंतिसया समणोवासया जाया,थावचापुत्ते बहिया जणवयविहारं विहरति ३॥सू०६१ // तेणं कालेणं 2 सोगंधिया नाम नयरी होत्था वन्नयो, नीलासोए उजाणे वन्नो, तत्थ णं सोगंधियाए नयरीए सुदंसणे नामं नगरसेट्ठी परिवसति अड्डे जाव अपरिभूते 1 / तेणं कालेणं 2 सुए नामं परिवायए होत्या, रिउव्वेयजजुब्वेय-सामवेय-अथव्वणवेय-सट्टितंतकुसले (संखाणे सिखाणकप्पे कप्पे वागरणे छदे निरुत्ते जोइसामयणे) संखसमए लट्ठ (वेयाणं इतिहासपंचमाणं निघंटुकट्ठाणं संगोवंगाणं सरहस्साणं सारए वारए पारए सडंगवी सहितं
