________________ [ भीमदागमसुवासिन्धुः / चतुर्थो विभागः 2 / से णं इहलोए चेव बहूणं समणाणं समणीणं सावगाण य साविगाण य अञ्चणिज्जे जाव पज्जुवासणिज्जे भवति, परलोएवि य णं नो बहूणि हत्यच्छेयणाणि य कन्नच्छेयणाणि य नासाछेयणाणि य एवं हिययउप्पायणाणि य वसणुप्पाडणाणि य उल्लंबणाणि य पाविहिति अणातीयं च णं अणवदग्गं दीहं जाव वीतिवतिस्सति जहा व से धरणे सत्थवाहे 3 / एवं खलु जंबू ! समणेणं जाव दोचस्स नायज्झयणस्स अयम? पराणत्तेत्तिबेमि 4 // सूत्रं 41 // वितीयं अज्झयणं समत्तं // 2 // ॥इति द्वितीयमध्ययनम् // 2 // // 3 // अथ अण्डकाख्यं तृतीयमध्ययनम् // जति णं भंते ! समणेणं भगवया महावीरेणं दोचस्म अज्झयणस्स णायाधम्मकहाणं अयम? पत्नत्ते तइअस्स अज्झयणस्स के पट्टे पराणते ?, एवं खलु जंबू / तेणं कालेणं 2 चंपा नाम नयरी होत्था वन्नयो 1 / तीसे णं चंपाए नयरीए बहिया उत्तरपुरच्छिमे दिसीभाए सुभूमिभाए नाम उजाणे होत्था सम्बोउए(य) सुरम्मे नंदणवणे इव सुहसुरभि-सीयलच्छायाए समणुबद्धे 2 / तस्स णं सुभूमिभागस्त उजाणस्स उत्तरो एगदेसंमि मालुयाकच्छए वन्नो, तत्थ णं एगा वरमऊ(यु)री दो पुढे परियागते पिट्ठडीपंडरे निवणे निस्वहए भिन्नमुट्टिप्पमाणे मऊरी अंडए पसवति 2 सतेणं पक्खवाएणं सारक्खमाणी संगोवमाणी संविढे माणी विहरति 3 / तत्थ णं चंपाए नयरीए दुवे सत्थवाहदारगा परिवसति तंजहा-जिणदत्तपुत्ते य सागरदत्तपुत्ते य, सहनायया सहवडियया सहपंसुकीलियया सहदारदरिसी अन्नमन्न-मणुरत्तया अन्नमन-मणुव्वयया अन्नमन्नच्छंदाणुवत्तया अन्नमन्नहियतिछियकारया अन्नमन्नेसु गिहेसु किच्चाई करणिजाई पचणुभवमाणा विहरन्ति 4 // सूत्रं 50 //
