________________ 434 ] [ श्रीमदागमसुधासिन्धुः :: चतुर्थो विभागः वा जाणुयपुत्तो वा तेगिच्छी वा तेगिच्छिपुत्तो वा इक्काई-रटुकूडस्स तेसिं सोलसराहं रोगायंकाणं एगमवि रोगायंकं उबसामित्तए तस्स णं इकाई रट्टकूडे विपुलं अत्थसंपयाणं दलयति, दोच्चंपि तच्चपि उग्घोसेह 2 ता एयमाणत्तियं पचप्पिणह 4 / तते णं ते कोडवियपुरिसा जाव पञ्चप्पिणंति, तते णं से विजयवद्धमाणे खेडे इमं एयारूवं उग्घोसणां सोचा निसम्म बहवे विजा य 6 सत्थकोस-हत्थगया सएहिं 2 गिहेहितो पडिनिक्खमंति 2 ता विजयवद्धमाणस्स खेडस्स मझमझेणं जेणेव इकाइ-रट्ठकूडस्स गिहे तेणेव उवागच्छइ 2 ता इकाई-रटकूडस्स सरीरगं परामुसंति 2 ता तेसिं रोगाणं निदाणां पुच्छंति 2 ता इकाई-रटकूडस्स बहूहिं अभंगेहि य उव्वट्टणाहि य सिणेहपाणेहि य वमणेहि य विरेयणाहि य (सेयणाहि य) अवदहणाहि य अवराहाणेहि य अणुवासणाहि य वत्थिकम्मेहि य निरुहेहि य सिरोवेहेहि य तच्छणेयि य पच्छणेहि य सिरोवत्थीहि य तत्पणाहि य पुडपागेहि य छलीहि य मूलेहि य कंदेहि य पत्तेहि य पुप्फेहि य फलेहि य बीएहि य सिलियाहि य गुलियाहि य योसहेहि य भेसज्जेहि य इच्छंति तेसिं सोलसराहं रोगायंकागां एगमवि रोगायंकं उवसमावित्तए (उवसामित्तए), नो चेव णं संचाएंति उवसामित्तए 5 / तते णं ते बहवे विजा य विजपुत्ता य जाणुया य जाणुअपुत्ता य तेगिच्छी य तेगिच्छिपुत्ता य जाहे नो संचाएंति तेसिं सोलसराहं रोगायंकाणां एगमवि रोगायकं उवसामित्तए ताहे संता तंता परितंता जामेव दिसि पाउठभूया तामेव दिसि पडिगया 6 / तते णं इकाईरटुकूडे विज्जेहि य 6 पडियाइक्खिए परियारगपरिचत्ते निविराणोसहभेसज्जे सोलसरोगार्यकेहिं अभिभूए समाणे रज्जे य र? य जाव अंतेउरे य मुच्छिए रज्जं च रटुंच यासाएमाणे पत्थेमाणे पीहेमाणे अभिलसमाणे अट्टदुहट्टवस? अड्डाइजाई वाससयाई परमाउयं पालइना कालमासे कालं किच्चा इमीसे रयणप्पभाए पुढवीए उक्कोसेणं सागरोवमट्टितीएसु
