________________ ( श्रीमदाणमसुधासिन्धुः / चतुर्थो विमागः दोवईए कए रुप्पिणीए पउमावईए ताराए कंचणाए रत्तसुभदाए अहिनियाए सुवनगुलियाए किन्नरीए सुरूवविज्जुमतीए य 2 / अन्नेसु य एवमादिएसु बहवो महिलाकएसु सुव्वंति इक्कंता संगामा गामधम्ममूला प्रबंभसेविणो इहलोए वि ताव नट्ठा (नट्ठकीत्ति) परलोएवि य णट्ठा महया मोह तिमिसंधकारे घोरे तस-थावर-सुहुम-बादरेसु पन्जत्त-मपजत्त-साहारण-सरीर-पत्तेयसरीरेसु य अंडज-पोतज-जराउय-रसज-संसेइम-समुच्छिम-उब्भिय-उववादिएसु य नरग-तिरिय-देव-माणुसेसु जरा-मरण-रोग-सोगबहुले पलियोवमसागरोवमाइं श्रणादियं श्रणवदग्गं दीहमद्धं चाउरंत संसारकतारं अणुपरियट्टति जीवा मोहवसं निविट्ठा 3 / एसो सो अबभस्स फलविवागो इहलोइयो परलोइश्रो य अप्पसुहो बहुदुक्खो महब्भश्रो बहुरयप्पगाढो दारुणो ककसो असायो वाससहस्सेहिं न मुबति, न य अवेदइत्ता अस्थि हु मोक्खोत्ति, एवमाहंसु नायकुलनंदणो महप्पा जिणो उ वीरवरनामधेजो कहेसी य अबंभस्स फलविवागो एयं तं श्रबंभंपि चउत्थं सदेवमणुयासुरस्स लोगस्स पत्थणिज्जं एवं चिर-परिचिय-मणुगयं दुरंतं चउत्थं अधम्मदारं समत्तं तिबेमि 4 // 4 // सू० 16 // . . // इति चतुर्थमध्ययनम् / / // अथ पञ्चम-परिग्रहावाख्यं पञ्चममध्ययनम् // . . जंबू ! इत्तो परिग्गहो पंचमो उ नियमा, णाणामणि-कणग-रयणमहरिह-परिमल-सपुत्तदार-परिजण-दासी-दास-भयग-पेस-हयागय-गो-महिस उट्टखर-श्रय-गवेलग-सीया-सगड-रह-जाण-जुग्ग संदण–सयणासण-वाहण-कृवियधण-धन्न-पाण-भोयणाच्छायण-गंध-मल्ल-भायण-भवणविहिं चेव बहुविहीयं भरहं णग-णगर-णियम-जणवय-पुरखर-दोणमुह-खेड-कबड-मडंब-संबाहपट्टण-सहस्सपरिमंडिय थिमिय मेइणीयं एगच्छत्तं ससागरं भुजिऊण वसुहं
