________________ श्रीमत्वरनव्याकरणदशाङ्ग स्त्रम् . अश्ययनं 4 ] मिय-चाव-रुइल-किराहभराइ-संगय-सुजाय-तणु-कसिण-निद्धभुमगा, अल्लीणपमाण-जुत्तसवणा, सुस्सवणा, पीण-मट्टगंडलेहा, चउरंगुल-विसाल-समनिलाडा, कोमुदि-रयणिकर-विमल-पडिपुन्न-सोमवदणा, छत्तुनय-उत्तमंगा, अकविल-सुसिणिद्ध-दीहसिरया, छत्तज्मय-जूव-थूभ-दामिणि कमंडलु-कलसवावि-सोत्थिय-पडाग-जव-मच्छ-कुम्म-रथ-वर-मकरज्झय-अंक-थाल-अंकुस-ट्ठावय-सुपइट-अमर-मयूर-सिरियाभिसेय-तोरण-मेइणि उदधिवर-पवरभवण-गिरिवर-वरायंस-सललियगय-उसम-सीह-चामर-पसत्थ-बत्तीस-लक्खणधरीथो, हंस-सरित्थ-गतीश्रो, कोइल-महुर-गिरायो, कंता, सव्वस्स. अणुमयानो, ववगयवलि-पलित-वंग-दुव्वन्नवाधि-दोहग्ग-सोयमुक्कायो, उच्चत्तेण य नराण थोवूण-मसियाश्रो, सिंगारागार-चारुवेसाश्रो, सुंदरथण-जहण-वयण-कर-चरणणयणा, लावन्न-रूव-जोव्वण-गुणोववेया, नंदण-वण-विवर-चारिणीयो व्व अच्छरायो उत्तरकुरु-माणुसच्छरायो अच्छेरग-पेच्छणिजियानो तिनि य पलिश्रोवमाइं परमाउं पालयित्ता ताबोऽवि उवणमंति मरणधम्म अवितित्ता कामाणं २०॥सू० 15 // मेहुणसन्ना-संपगिद्धा य मोहभरिया सत्थेहि हणंति एकमेक्कं विसयविस-उदीरएसु, अवरे परदारेहिं (उदारपरदारेहिं) हम्मति विसुणिया धणनासं सयण-विप्पणासं च पाउणंति, परस्स दारायो जे अविरया मेहुणसन्न-संपगिद्धा य मोहभरिया अस्सा हत्थी गवा य महिसा मिगा य मारेंति एकमेक्कं, मणुयगणा वानरा य पक्खी य विरुज्झति, मित्ताणि खिप्पं भवंति सत्तू, समये धम्मे गणे य भिदंति पारदारी, धम्मगुणरया य बंभयारी खणेण उल्लोट्ठए चरित्तायो जसमंतो सुब्बया य पावेंति अयसकित्ति रोगत्ता वाहिया पवडिति रोयवाही, दुवे य लोया दुबाराहगा भवंति-इहलोए चेव परलोए परस्स दाराश्रो जे अविरया, तहेव केइ परस्स दारं गवेसमाणा महिया य हया य वद्धरुद्धा य एवं जाव गच्छंति विपुल-मोहाभिभूय-सन्ना 1 / मेहुणमूलं च सुपए तत्थ तत्थ वत्तपुव्वा संगामा जणक्खयकरा सीयाए
