________________ दागमसुवासिन था विभाग संकुलं, भव-सयसहस्स-जलसंचयं, अणतं, उव्वेवणयं, अणोरपार, महन्भयं भयंकरं, पइभयं, अपरिमिय-महिच्छ-कलुसमति-वाउ-वेग-उद्धम्ममाणश्रासा-पिवास-पायाल-काम-रति-राग-दोस-बंधण--बहुविह-संकप्पविपुल-दगरय-रयंधकारं, मोह-महावत्त-भोग-भममाण-गुप्पमाणुच्छलंतबहु-गम्भवास-पच्चोणियत्त-पाणियं, पधावित(वाहिय)-वसण-समावनरुन-चंड-मारुत-समाहया-मणुन-वीची-वाकुलित-भंग--फुट्टत-णि?कल्लोल-संकुलजलं, पमाय-बहुचंड-दुट्ठ-सावय-समाहय-उद्धायमाणग-पूरघोरविद्धंसणस्थ-बहुलं, अराणाण-भमंत-मच्छपरिहत्थं अनिहुतिदियमहामगर-तुरिय-चरिय-खोखुब्भमाण-संताव-निच्चय-चलंत-चवल-चंचलअत्ताणऽसरण-पूव्वकय-कम्म-संचयोदिन्न-वज-वेइज्जमाण-दुहसय-विपाकघुन्नंत-जलसमूह, इडि-रस-सोय-गारवोहार-गहिय-कम्मपडिबद्ध-सत्तकडिजमाण-निरयतल-हुत्तसन्न-विसन्न–बहुलं, अरइ-रइ-भय-विसायसोग-मिच्छत्त-सेलसंकडं, अणाति-संताण-कम्मबंधण-किलेस-चिविखल्लसुदुत्तारं, अमर-नर-तिरिय-निरय-गतिगमण-कुडिल-परियत्त-विपुलवेलं, हिंसालिय--अंदत्तादाण-मेहुण-परिग्गहारंभ-करण-कारावणाणुमोदण श्रीविह-अणिट्टकम्म-पिंडित-गुरुभारवकंत-दुग्ग-जलोघ-दूरनिबो(पणो)लिजमाण-उम्मग्गनिमग्ग-दुल्लभ-तलं, सारीर-मणोमयाणि दुक्खाणि उप्पियंता सातस्स य परित्तावणमयं उब्बुड्डनिबुड्डयं करता, चउरंत-महंतमणवयग्गं, रुद्द, संसारसागर, अट्ठियं, श्रणालंबण-मपतिट्ठाण-मप्पमेयं, चुलसीति-जोणि-सयसहस्स-गुविलं नालोक-मंधकारं श्रणंतकालं निच्चं उत्तत्थ-सुराण-भयसराणसंपउत्ता वसंति 16 / उविगा वासवसहि जहिं ग्रांउयं निबंधंति पावकम्मकारी बंधवजण-सयण-मित्त-परिवजिया, अणिट्ठा भवंति, अणादेज-दुविणीया कुठाणासण-कुसेज-कुभोयणा, असुइणो, कुसंघयण-कुप्पमाण-कुसंठिया, कुरूवा, बहु-कोह-माण-माया
