________________ 38.] [श्रीमदागमसुधासिन्धुः / चतुर्थो विमागा फरुसवयण-तजणनिभच्छण-दीणवदणविमणा कुभोयणा, कुवाससा, कुवसहीसु किलिस्संता नेव सुहं नेव निव्वुई उवलभंति अच्चंतविपुल-दुक्खसयसंप. लि(उ)त्ता 2 / एसो सो अलियवयणस्स फलविवाश्रो इहलोइयो, परलोइत्रो, अप्पसुहो, बहुदुक्खो, महब्भयो, बहुरयप्पगाढो, दारुणो, ककसो, असायो वाससहस्सेहिं मुच्चइ, न य अवेदयित्ता अस्थि हु मोक्खोति, एवमाहंसु नायकुलनंदणो महप्पा जिणो उ वीरवरनामधेजो कहेसी य अलियवयणस्स फलविवागं, एयं तं वितीयंपि अलियवयणं लहुसग-लहुचवलभणियं, भयंकर, दुहकरं, अयसकर, वेरकरगं, अरतिरति-रागदोस-मणसंकिलेसवियरणं, अलिय-णियडिसादि-जोगबहुलं नीयजणनिसेवियं, निसे(सं)सं, अपञ्चयकारक, परमसाहुगरहणिज्ज परपीलाकारकं परमकराहलेससहियं, दुग्गतिविनिवायवडणं, पुणब्भवकर, चिरपरिचियमणागयं, दुरुत्तं तिबेमि, 3 / बितियं अधम्मदारं समत्तं // 2 // सू० 8 // // इति दितीयमध्ययनम् // 2 // // 3 // अथ अदत्तादानाश्रवकर्माख्यं तृतीयमध्ययनम् // ___जंबू ! तइयं च अदत्तादाणं हर-दह-मरण-भय-कलुसतासण परसंतिगऽभेजलोभमूलं, कालविसमसंसियं, अहोऽच्छिन्न-तराहपत्थाण-पत्थोइमइयं, अकित्तिकरणं, अणज्ज, छिद्दमंतर-विधुर-वसण-मग्गण-उस्सव-मत्तप्पमत्तपसुत्तवंचण-विखवण-घायण-परा-णिहुयपरिणाम-तकरजणबहुमयं 1 / अकलुणरायपुरिस-रक्खियं, सया साहु-गरहणिज्ज, पियजण-मित्तजण-भेदविप्पीतिकारकं, रागदोसबहुलं पुणो य उप्पूर-(थुर)समर-संगाम-डमर-कलि-कलह-वे(व)हकरणं, दुग्गइ-विणिवाय-वडणं, भव-पुणभव-करं, चिर-परिचित मणुगयं दुरंत तइयं अधम्मदारं 2 // सू० 1 // तस्स य णामाणि गोन्नाणि होति तीसं, तंजहा-चोरिक्कं 1 परहडं 2 अदत्तं 3 कूरिकडं (कुसटुयकयं) 4 परलाभो
