________________ भीज्ञाताधर्मकथाङ्ग-सूत्रम् // श्रुत० 2 वर्गः ] [ 251 खलु देवाणुप्पिया ! काली दारिया अम्हं धूया इट्ठा कंता जाव किमंग पुण पासणयाए ?, एस णं देवाणुप्पिया ! संसारभउव्विगा इच्छइ देवाणुप्पियाणं अंतिए मुंडा भवित्ताणं जाव पब्वइत्तए, तं एयं णं देवाणुप्पियाणं सिस्सिणिभिक्खं दलयामो पडिच्छंतु णं देवाणुप्पिया ! सिस्सिणिभिक्खं, अहासुहं देवाणुप्पिया ! मा पडिबंधं करेहि 11 / तते णं काली कुमारी पासं अरहं वंदति 2 उत्तरपुरच्छिमं दिसिभागं अवक्कमति 2 सयमेव श्राभरण-मल्लालंकारं श्रोमुयति 2 सयमेव लोयं करेति 2 जेणेव पासे परहा पुरिसादाणीए तेणेव उवागच्छति 2 पासं अरहं तिक्खुत्तो वंदति 2 एवं वयासी-श्रालित्ते णं भंते ! लोए एवं जहा देवाणंदा जाव सयमेव पवाविउं 12 / तते णं पासे अरहा पुरिसादाणीए कालिं सयमेव पुप्फचूलाए अजाए सिस्सिणियत्ताए दलयति, तते णं सा पुष्फचूला अजा कालिं कुमारि सयमेव पव्वावेति जाव उवसंपजित्ताणं विहरति, तते णं सा काली अजा जाया ईरियासमिया जाव गुत्तवंभयारिणी, तते णं सा काली अजा पुप्फचूलाअजाए अंतिए सामाइय-माइयाति एकारस अंगाई अहिजइ बहूहिं चउत्थ जाव विहरति 13 / तते णं सा काली अजा अन्नया कयातिं सरीरबाउसिया जाया यावि होत्था, अभिक्खणं 2 हत्थे धोवइ पाए धोवइ सीसं धोवइ मुहं धोवइ थणंतराइं धोवइ कक्खंतराणि धोवति गुमंतराइं धोवइ जत्थ 2 विय णं ठाणं वा सेज्जं बा णिसीहियं वा चेतेइ तं पुत्वामेव अभुक्खेत्ता ततो पच्छा प्रासयति वा सयइ वा, तते णं सा पुष्पचूला श्रजा कालिं अज्जं एवं वयासी-नो खलु कप्पति देवाणुप्पिया ! समणीणं णिग्गंथीणं सरीर-बाउसियाणं होत्तए, तुमं च णं देवाणुप्पिया ! सरीरबाउसिया जाया अभिक्खणं 2 हत्थे धोवसि जाव प्रासयाहि(यसि) वा सयाहि(यसि) वा, तं तुमं देवाणुप्पिए ! एयस्स गणस्स श्रालोएहि जाव पायच्छित्तं पडिवजाहि, तते णं सा काली अजा पुप्फचलाए अजाए
