________________ श्रीज्ञाताधर्मकथाङ्ग-सूत्रम् :: अध्ययनं 16 ] / 191 जाणित्ता सूमालियाए दारियाए पासाउ उट्ठोति 2 जेणेव सए सयणिज्जे तेणेव उवागच्छति 2 सयणोयंसि निवजइ 2 / तते णं सूमालिया दारिया तयो मुहुत्तंतरस्स पडिबुद्धा समाणी पतिवया पइमणुरत्ता पति पासे अपस्समाणी तलिमाउ उट्ठोति 2 जेणेव से सयणिज्जे तेणेव उवागच्छति 2 सागरस्स पासे णुवजइ, तते णं से सागरदारए सूमालियाए दारियाए दुच्चपि इमं एयारूवं अंगफासं पडिसंवेदेति जाव अकामए अवसव्वसे मुहत्तमित्तं संचिट्ठति, तते णं से सागरदारए सूमालियं दारियं सुहपसुत्तं जाणित्ता सयणिजायो उहइ 2 वासघरस्स दारं विहाडेति 2 मारामुक्के विव काए जामेव दिसिं पाउ भए तामेव दिसि पडिगए 3 // सूत्रं 117 // तते णं सूमालिया दारिया ततो मुहुत्तंतरस्स पडिबुद्धा पतिवया जाव अपासमाणी सयणिजायो उट्ठति सागरस्स दारगस्त सब्बतो समंता मग्गणगवेसणं करेमाणी 2 वासघरस्स दारं विहाडियं पासइ 2 एवं वयासी-गए से सागरेत्तिकटु योहयमणसंकप्पा जाव झियायइ 1 / तते णं सा भद्दा सस्थवाही कल्लं पाउप्पभायाए दासचेडियं सदावेति 2 एवं वयासी-गच्छह णं तुमं देवाणुप्पिए ! वहुवरस्स मुहसोहणियं उवणेहि, तते णं सा दासचेडी भदाए एवं वुत्ता समाणी एयम तहत्ति पडिसुणंति, मुहधोवणियं गेराहति 2 जेणेव वासघरे तेणेव उवागच्छति 2 सूमालियं दारियं जाव झियायमाणिं पासति 2 एवं वयासी-किन्नं तुमं देवाणुप्पिया ! श्रोहयमणसंकप्पा जाव झियाहिसि 2 / तते णं सा सूमालिया दारिया तं दासचेडीयं एवं वयासी-एवं खलु देवाणुप्पिया ! सागरए दारए मम सुहपसुत्तं जाणित्ता मम पासायो उट्ठति 2 वासघरदुवारं अवगुण्डति जाव पडिगए, तते णं ततो अहं मुहुत्तरस्स जाव विहाडियं पासामि, गए णं से सागरएत्तिकटु अोहयमण जाव झियायामि 3 / तते णं सा दासचेडी सूमालियाए दारियाए एयमट्ट सोचा जेणेव सागरदत्ते तेणेव उवा
