________________ 162 ] [ श्रीमदागमसुधासिन्धुः :: चतुर्थो विभागः गच्छइ 2 ता सागरदत्तस्स एयमट्ठ निवेएइ, तते णं से सागरदत्ते दासचेडीए अंतिए एयमढे सोचा निसम्म श्रासुरुत्ते जेमेव जिणदत्तसत्थवाहगिहे तेणेव उवागच्छति 2 जिणदत्तसत्थवाहं एवं वयासी-किराणं देवाणु. प्पिया ! एवं जुत्तं वा पत्तं वा कुलाणुरूवं वा कुलसरिसं वा जन्नं सागरदारए सूमालियं दारियं अदिट्ठदोसं पइवयं विष्पजहाय इहमागयो बहूहिं खिजणियाहि य रुटणियाहि य उबालभति 4 / तए णं जिणदत्ते सागरदत्तस्स एयमट्ट सोचा जेणेव सागरए दारए तेणेव उवागच्छति 2 सागरयं दारयं एवं क्यासी-दुट्ठ णं पुत्ता ! तुमे कयं सागरदत्तस्स गिहाथों इहं हव्वमागते, तेणं तं गच्छह णं तुमं पुत्ता ! एवमवि गते सागरदत्तस्स गिहे, तते णं से सागरए जिणदत्तं एवं वयासी-अवि याति अहं तायो ! गिरिपडणं वा तरुपडणं वा मरुप्पवायं वा जलप्पवेसं वा विसभक्खणं वा वेहाणसं वा सत्थोवाडणं वा गिद्धापिट्ठ वा पव्वज्जं वा विदेसगमणं वा श्रभुवगच्छिज्जामि नो खलु अहं सागरदत्तस्स गिहं गच्छिज्जा 5 / तते णं से सागरदत्ते सत्थवाहे कुड्डतरिए सागरस्स एयम8 निसामेति 2 लजिए विलीए विड्डे जिणदत्तस्स गिहातो पडिनिक्खमइ जेणेव सए गिहे तेणेव उवागच्छति 2 सुकुमालियं दारियं सदावेइ 2 अंक निवेसेइ 2 एवं वयासी-किराणं तव पुत्ता ! सागरएगां दारएगां मुका ?, ग्रहं गां तुमं तस्स दाहामि जस्स णं तुमं इट्ठा जाव मणामा भविस्ससित्ति सूमालियं दारियं ताहिं इट्टाहिं वग्गूहि समासासेइ 2 पडिविसज्जेइ 6 / तए णं से सागरदत्ते सत्थवाहे अन्नया उप्पिं श्रागासतलगंसि सुहनिसराणे रायमग्गं श्रोलोएमाणे 2 चिट्ठति, तते णं से सागरदत्ते एगं महं दमगपुरिसं पासइ दंडिखंड-निवसणं खंडग-मल्लग-घडग-हत्थगयं मच्छिया-सहस्सेहिं जाव अनिजमाणमग्गं 7 / तते णं से सागरदत्ते कोड बियपुरिसे सदावेति 2 एवं वयासी-तुब्भे णं देवाणुप्पिया ! एयं दमगपुरिसं विउलेणं असण
