________________ श्रीज्ञाताधर्मकथाङ्ग-पूत्रम् / अध्ययनं 10 ] [ 146 मवितह-मसंदिद्धं परिकहेति, तते णं जिणपालिए जाव अप्पसोगे जाव विपुलाति भोगभोगाई भुजमाणे विहरति 4 // सूत्रं 14 // तते कालेणं 2 समणे भगवं महावीरे समोसढे, धम्मं सोचा पव्वतिए एकारसंगवी मासिएणं सोहम्मे कप्पे दो सागरोवमे, महाविदेहे सिज्झिहिति / एवामेव समणाउसो ! जाव माणुस्सए कामभोए णो पुणरवि श्रासाति से णं जाव वीतिवतिस्सति जहा वा से जिणपालिए / एवं खलु जंबू ! समणेणं भगवया महावीरेणं नवमस्स नायज्मयणस्स अयम? पराणत्तेत्तिबेमि // सूत्रं 15 // नवमं अज्झयणं समत्तं // // इति नवममध्ययनम् // 9 // // 10 // अथ श्रीचन्द्राख्यं दशममध्ययनम् // जति णं भंते ! समणेणं भगवया महावीरेणं जाव संपत्तेणं णवमस्स णायज्झयणस्स अयमढे पराणत्ते, दसमस्स णं भंते ! नायज्मयणस्स समणेणं जाव संपत्तेणं के अट्ठ पत्नत्ते ?, एवं खलु जंबू ! तेणं कालेणं 2 रायगिहे नगरे सामी समोसढे गोयमसामी एवं वदासी-कहराणं भंते ! जीवा वडांति वा हायन्ति वा ?, गोयमा ! से जहा नामए बहुलपक्खस्स पाडिवयाचंदे पुरिणमाचंदं पणिहाय हीणो वराणेणं हीणे सोम्मयाए होणे निद्धयाए हीणे कंतीए एवं दित्तीए जुत्तीए छायाए पभाए ओयाए लेस्साए मंडलेणं तयाणंतरं च णं बीयाचंदे पाडिवयं चंदं पणिहाय हीणतराए वराणेणं जाव मंडलेणं तयाणंतरं च णं ततिप्राचंदे बितियाचंदं पणिहाय हीणतराए वराणेणं जाव मंडलेणं, एवं खलु एएणं कमेणं परिहायमाणे 2 जाव अमावस्साचंदे चाउद्दसिचंदं पणिहाय न? वराणेणं जाव न? मंडलेणं 1 / एवामेव समणाउसो ! जो अम्हं निग्गंथो वा निग्गंथी वा जाव पव्वइए समाणे हीणे खंतीए एवं मुत्तीए गुत्तीए अजवेणं मद्दवेणं लाघवेणं सच्चेणं तवेणं
