________________ 148 ] [ श्रीमदांगमसुधासिन्धुः / चतुर्थो विमागः वा से जिणरक्खिए-'छलो अवयक्खंतो निरावयक्खो गयो अविग्घेणं / तम्हा पवयणसारे निरावयक्खेण भवियव्यं // 1 // भोगे अवयक्खंता पडंति संसारसायरे घोरे। भोगेहिं निरवयक्खा तरंति संसारकंतारं // 2 // सूत्रं 12 // तते णं सा रयणद्दीवदेवया जेणेव जिणपालिए तेणेव उवागच्छति बहूहि अणुलोमेहि य पडिलोमेहि य खरमहुर-सिंगारेहिं कलुणेहि य उवसग्गेहि य जाहे नो संचाएइ चालित्तए वा खोभित्तए वा विप्परिणामित्तए वा ताहे संता तंता परितंता निविण्णा समाणा जामेव दिसि पाउब्भूया तामेव दिसिं पडिगया 1 / तते णं से सेलए जक्खे जिणापालिएणं सद्धिं लवणसमुद्द मझमज्झेणं वीतीवयति 2 जेणेव चंपानयरी तेणेव उवागच्छति 2 चंपाए नयरीए अगुजाणंसि जिणपालियं पट्टातो श्रोयारेति 2 एवं वयासी-एस णं देवाणुप्पिया ! चंपानयरी दीसतित्तिकटु जिणपालियं यापुच्छति 2 जामेव दिसिं पाउभूए तामेव दिसिं पडिगए 2 // सूत्रं 13 // तते णं जिलपालिए चंपं अणुपविसति 2 जेणेव सए गिहे जेणेव अम्मापियरो तेणेव उवागन्छइ 2 अम्मापिऊणं रोयमाणे जाव विलवमाणे जिणरक्खियवावत्तिं निवेदेति, तते णं जिणपालिए अम्मापियरो मित्तणाति जाव परियणेणं सद्धिं रोयमाणाति बहूई लोइयाइं मयकिचाई करेति 2 कालेणं विगतसोया जाया, तते णं जिणपालियं अन्नया कयाइ सुहासणवरगतं अम्मापियरो एवं वदासीकहराणं पुत्ता ! जिणरक्खिए कालगए ? 3 / तते णं से जिणपालिए अम्मापिऊणं लवखसमुद्दोत्तारं च कालियवाय-समुत्थणं पोतवहणविवत्तिं च फलह-खंड-श्रासातणं च रयणदीवुत्तारं च रयणदीवदेवयागिहं च भोगविभू च रयणदीवदेवया अप्पाहणं च सूलाइय-पुरिस-दरिसणं च सेलग-जक्ख-बारुहणं च रयणदीवदेवयाउवसग्गं च जिणरक्खियविवत्तिं च लवणसमुद्द-उत्तरणं च चंपागमणं च सेलग-जक्ख-यापुच्छणं च जहाभ्य
