________________ 132 ] [ श्रीमदागमसुधासिन्धुः : चतुर्थो विभागः समणाण य जाव (सुरासुरियं) परिवेसिजति, वरवरिया घोसिजति किमिच्छियं दिजए बहुविहीयं / सुरअसुर-देवदाणव-नरिंदमहियाण निक्खमणे // 1 // तते णं मल्ली अरहा संवच्छरेणं तिन्नि कोडिसया अट्ठासीतिं च होति कोडीयो असितिं च सयसहस्साई इमेयास्वं अत्थसंपदाणं दलइत्ता निक्खमामित्ति मणं पहारेति 5 // सूत्रं // 82 // तेणं कालेणं 2 लोगंतिया देवा बंभलोए कप्पे रिट विमाणपत्थडे सएहिं 2 विमाणेहिं सएहिं 2 पासायवडिसएहिं पत्तेयं. 2 चउहिं सामाणिय-साहस्सीहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसहिं पायरक्ख-देवसाहस्सीहिं अन्नेहि य बहूहिं लोगतिएहिं देवेहिं सद्धि संपरिखुडा महयाहय-नट्टगीयवाइय जाव रवेणं मुंजमाणा विहरंति, तंजहा-'सारस्सयमाइचा वराही वरुणा य गद्दतोया य / तुसिया अव्वाबाहा अग्गिचा चेव रिट्ठा य॥ 1 // 1 / तते णं तेसिं लोयंतियाणं देवाणं पत्तेयं 2 पासणातिं चलंति तहेव जाव अरहंताणं निक्खममाणाणं संबोहणं करेत्तएत्ति तं गच्छामो णं अम्हेवि मल्लिस्स अरहतो संबोहणं करेमित्तिकटु एवं संपेहेंति 2 उत्तरपुरच्छिमं दिसीभायं श्रवक्कमति 2 वेउब्वियसमुग्घाएणं समोहणंति 2 संखिजाई जोयणाई एवं जहा जंभगा जाव जेणेव महिला रायहाणी जेणेव कुभगस्स रन्नो भवणे जेणेव मल्ली अरहा तेणेव उवागच्छति 2 अंतलिक्खपडिवन्ना सखिखिणियाई जाव वत्थातिं पवर परिहिया करयल जाव ताहिं इटाहिं जाव एवं वयासी-बुज्झाहि भगवं ! लोगनाहा पवत्तेहि धम्मतित्थं जीवाणं हियसुहनिस्सेयसकर भविस्सतित्तिकटु दोच्चपि तच्चपि एवं वयंति 2 मल्लिं अरहं वंदंति नमसंति 2 जामेव दिसि पाउन्भूत्रा तामेव दिसि पडिगया 2 / तते णं मल्ली अरहा तेहिं लोगंतिएहिं देवेहिं संबोहिए समाणे जेणेव अम्मापियरो तेणेव उवागच्छति 2 करयल जाव एवं वयासी-इच्छामि णं अम्मयायो !
