________________ श्रीज्ञाताधर्मकथाङ्ग-सूत्रम् / अध्ययनं 8 ] [ 121 णं मल्ली विदेहवररायकन्ना चित्तगरएणं तयाणुरूवे रूवे णिबत्तिए, तते णं मल्लदिन्ने अम्मधाईए एयमठं सोचा आसुरुत्ते एवं वथासी-केस णं भो चित्तयरए अपत्थियपस्थिए जाव परिवजिए जे णं मम जेट्टाए भगिणीए गुरुदेवयभूयाए जाव निव्वत्तिएकिट्टु तं चित्तगरं वज्झ पाणवेइ 5 / तए णं सा चित्तगरस्सेणी इमीसे कहाए लट्टा समाणा जेणेव मल्लदिन्ने कुमारे तेणेव उवागच्छइ 2 ता करयलपरिग्गहियं जाव वद्धावेइ 2 ता एवं बयासी-एवं खलु सामी ! तस्स चित्तगरस्स इमेयारूवा चित्तकरलद्धी लद्धा पत्ता अभिसमन्नागया जस्स णं दुपयस्स वा जाव णिवत्तेति तं मा णं सामी ! तुम्भे तं चित्तगरं वज्झ श्राणवेह, तं तुब्भे णं सामी ! तस्स चित्तगरस्स अन्नं. तयाणुरूवं दंडं निव्वत्तेह, तए णं से मल्लदिन्ने तस्स चित्तगरस्स संडासगं छिंदावेइ 2 निविसयं प्राणवेइ 6 / तए णं से चित्तगरए मल्लदिन्नेणं णिविसिए प्राणत्ते समाणे सभंड-मत्तोंवगरण-मायाए मिहिलायो णयरीयो णिक्खमइ 2 विदेहं जणवयं मझमझेणं जेणेव कुरुजणवए जेणेव हत्थिणाउरे नयरे जेणेव अदीणसत्तू राया तेणेव उवागच्छति 2 त्ता भंडणिक्खेवं करेइ 2 चित्तफलगं सज्जेइ 2 मल्लीए विदेहवररायकन्नाए पायंगुट्ठाणुसारेण एवं णिवत्तेइ 2 कक्खंतरंसि छुब्भइ 2 महत्थं 3 जाव पाहुडं गेराहइ 2 हथिणापुरं नयरं मझमझेणं जेणेव अदीणसत्तू राया तेणेव उवागच्छति 2 तं करयल जाव वद्धावेइ 2 पाहुडं उवणेति 2 एवं वयासी-एवं खलु ग्रहं सामी ! मिहिलायो रायहाणीयो कुंभगस्स रन्नो पुत्तेणं पभावतीए देवीए अत्तएणं मल्लदिन्नेणं कुमारेणं निविसए प्राणत्ते समाणे इह हव्वमागए, तं इच्छामि णं सामी ! तुम्भं बाहुच्छायापरिग्गहिए जाव परिवसित्तए 7 / तते णं से श्रदीणसत्तू राया तं चित्तगदारयं एवं वदासी-किन्नं तुमं देवाणुप्पिया! मल्लदिराणेणं निविसए श्राणत्ते ?, तए णं से चित्तयरदारए अदीणसत्तुरायं एवं वदासी-एवं खलु
