________________ 112 ] [ श्रीमदागमसुधासिन्धुः / चतुर्थो विभागः चक्खुराग) पणञ्चमाणं अप्फोडतं अभिवयंत अभिगज्जंतं बहुसो 2 अट्टहासे विणिम्मुयंत नीलुप्पल-गवल-गुलिय-अयसिकुसुमप्पगासं खुरहारं असि गहाय अभिमुह-मावयमाणं पासंति 8 / तते णं ते अरहराणगवजा संजुत्ताणावावाणियगा एगं च णं महं तालपिसायं पासंति तालजंघं दिवं गयाहिं बाहाहि फुट्टसिरं भमर-णिगर-वरमासरासि-महिसकालगं भरियमेहवन्नं सुप्पणहं फालसरिसजीहं लंबोट्ट धवल-बट्टअसिलिट्ठ-तिक्खथिर-पीणकुडिल-दाढोवगूढवयणं विकोसिय-धारासि-जुयल-समसरिस-तणुय-चंचल-गलंत-रसलोल-चवल-फुरुफुरत-निल्लालियग्गजीहं अवय(अविच्छिय-महल्ल-विगयबीभत्स-लालपगलंत-रत्ततालुयं हिंगुलुय-सगम्भ-कंदरबिलंव अंजणगिरिस्स (अग्गिझरस्स) अग्गिजालुग्गिलंतवयणं ग्राऊसिय-अक्ख-चम्म-उइट्ट-गंडदेसं चीणचिपिड-बंक-भग्गणासं रोसागय-धमधमेंत मारुत-निट्ठर-खर-फरुसझुसिरं श्रोभुग्ग-णासियपुडं घाडुब्भड-रइयभीसणमुहं उद्धमुह-कन्नसक्कुलिय-महंतविगयलोम-संखालग-लंयंतचलियकन्नं पिंगल-दिप्पंतलोयणं भिउडि-तडियनिडालं(भिउडितडियं तडियनिडालं) नरसिर-माल-परिणद्धचिद्धं विचित्तगोणस-सुबद्धपरिकरं अवहोलंत पुप्फुयायंत-सप्पविच्छुय-गोधुदर-नउल-सरड. विरझ्य-विचित्त वेयच्छमालियागं भोगकूर-कराह-सप्प-धमधमेंत-लंबंतकन्नपूरं मजार-सियाल-लइयखंध दित्तघुघुयंत-घूयकय-कुतलसिरं घंटारवेणभीमं भयंकरं कायरजण-हिययफोडणं दित्तमट्टहासं विणिम्मुयंतं वसा-रुहिर-पूयमंसमल-मलिण-पोचडतणु उत्तासणयं विसालवच्छं पेच्छता भिन्नणह-मुहनयण-कन्न-वरवग्यचित्त-कत्तीणिवसणं सरस-रुहिर-गयचम्म-वितत-ऊसवियबाहुजुयल ताहि य खरफरसअसि-णिद्ध-अणि?-दित्तग्रसुभअप्पिय[अमणुन] अक्कंतवग्गूहि य तजयंतं पासंति तं तालपिसायरूवं एजमाणं पासंति 2 भीया संजायभया अन्नमन्नस्स कायं समतुरंगेमाणा 2 बहूणं इंदाण य खंदाण य रुदसिव-वेसमणणागा(मा)णं भूयाण य जक्खाण य यजकोट्टकि
