________________ श्रीज्ञाताधर्मकथाङ्ग-सूत्रम् : अध्ययनं 8 ] [ 111 हव्वमागए पासामोत्तिकटु ताहिं सोमाहिं निद्धाहिं दीहाहिं (सप्पिवासाहि) पप्पु(च्छ)याहिं दिट्ठीहिं निरीक्खमाणा मुहुत्तमेत्तं संचिट्ठति 3 / तो समाणिएसु पुष्फबलिकम्मेसु दिन्नेसु सरस-रत्तचंदण-ददर-पंचंगुलितलेसु अणुक्खित्तंसि धूवंसि पूतिएसु समुद्दवाएसु संसारियासु वलयबाहासु ऊसिएसु सिएसु झयग्गेसु मडुप्पवाइएसु तूरेसु जइएसु सव्वसउणेसु गहिएसु रायवरसासणेसु महया उकिट्ठिसीहणाय जाव रवेणं पक्खुभितमहासमुद्द-वभूयंपिव मेइणिं करेमाणा एगदिसिं जाव वाणियगा णावं दुरूढा 4 / ततो पुस्समाणवो वक्कमुदाहु-हं भो ! सव्वेसिमवि अत्थसिद्धी उवट्ठिताई कल्लाणाई पडिहयाति सव्वपावाई जुत्तो पूसो विजयो मुहुत्तो अयं देसकालो, ततो पुस्समाणएणं वक्के समुदाहिए हट्टतु? कुच्छिधारकन्नधार-गभिज-संजत्ताणावावाणियगा वावारिसुतं नावं पुन्नुच्छंगं पुराणमुहिं बंधणेहिंतो मुचंति 5 / तते णं सा नावा विमुक्कबंधणा पवणबल-समाहया उस्सियसिया विततपक्खा इव गरुडजुबई गंगासलिल-तिक्खसोयवेगेहिं संखुब्भमाणी 2 उम्मीतरंग-मालासहस्साइं समतिच्छमाणी 2 कइवएहिं अहोरत्तेहिं लवणसमुद्द अणेगाति जोयणसतातिं योगाढा 6 / तते णं तेसिं अरहन्नग-पामोक्खाणं संजुत्तानावावाणियगाणं लवणसमुह अणेगाई जोयणसयाई श्रोगाढाणं समाणाणं बहूतिं उप्पातियसतातिं पाउब्भूयाई, तंजहा-अकाले गजिते अकाले विज्जुते अकाले थणियसबे, अभिक्खणं 2 यागासे देवतायो नच्चंति, एगं च णं महं पिसायरूवं पासंति, तालजंघ दिवं गयाहिं बाहाहिं मसिमूसग-महिसकालगं भरियमेहवन्नं लंबोट्ट निग्गयग्गदंतं निल्लालिय-जमलजुयलजीहं श्राऊ-सिय-वयणगंडदेसं चीणचिपिट-नासियं विगय-भुग्ग-भुमयं(मुग्गभग्गं) खजोयग-दित्तचक्खुरागं उत्तासणगं विसालवच्छं विसालकुच्छि पलंबकुच्छि पहसिय-पयलिय. पयडियगत्तं(विगयभुग्ग-भुमय-पहसिय-पयलिय-पयडिय-फुलिंग-खजोय-दित्त
