________________ 108 ] [ श्रीमदागमसुधासिन्धुः : चतुर्थो विभागः नागजन्नए भविस्सइ तं तुम्भे णं देवाणुप्पिया ! जलथलय जाव दसद्धवन्नं मल्लं णागवरयंसि साहरह एगं च णं महं सिरिदामगंडं उवणेह, तते णं जलथलय जाव दसद्धवन्नेगां मल्लेगांणाणाविहभत्ति-सुविरइयं हंस-मिय-मउरकोंच-सारस-चकवाय-मयण-साल-कोइल-कुलोववेयं ईहामिय जाव भत्तिचित्तं महग्धं महरिहं विपुलं पुष्फमंडवं विरएह, तस्स णं बहुमज्झदेसभाए एगं महं सिरिदामगंडं जाव गंधद्धणि मुयंतं उल्लोयंसि अोलंबेह 2 पउमावति देविं पडिवालेमाणा 2 चिट्ठह 3 / तते णं ते कोडविया जाव चिट्ठति, तते णं सा पउमावती देवी कलं. कोडबिए एवं वदासी-खिप्पामेव भो देवाणुप्पिया! सागेयं नगरं सभितरबाहिरियं यासित-सम्मजितोवलित्तं जाव पञ्चप्पिणंति, तते णं सा पउमावती दोच्चंपि कोड बियपुरिसे सद्दावेति 2 एवं वयासी-एवं खलु देवाणुप्पिया ! खिप्पामेव लहुकरणजुत्तं जाव जुत्तामेव उवट्ठवेह, तते णं तेऽवि तहेव उवट्टानेंति 4 / तते णं सा पउमावती अंतो अंतेउरंसि राहाया जाव - धम्मियं जाणं दूरूढा, तए णं सा पउमावई नियगपरिवालसंपरिबुडा सागेयं नगरं मझमज्झेणं णिजाति 2 जेणेव पुक्खरणी तेणेव उवागच्छति 2 पुक्खरणिं श्रोगाहइ 2 जलमजणं जाव परमसूइभूया उल्लपडसाडया जाति तत्थ उप्पलातिं जाव गेहति 2 जेणेव नागघरए तेणेव पहारेत्थ गमणाए, तते णं पउमावतीए दासचेडीयो बहूयो पुष्फपडलग-हत्थगयायो धूव-कडुच्छुग-हत्थ-गयायो पिट्ठतो समणुगच्छंति 5 / तते णं पउमावती सविड्डिए जेणेव नागघरे तेणेव उवागच्छति 2 नागघरयं अणुपविसति 2 लोमहत्थगं जाव धूवं डहति 2 पडिबुद्धिं पडिवालेमाणी 2 चिट्ठति, तते णं पडिबुद्धी राहाए हत्थिखंधवरगते सकोरंट जाव सेयवरचामराहिं हयगयरहजोह-महया-भडग-चडकर-पहकरेहिं साकेयनगरं मझ मज्झेणं णिग्गच्छति 2 जेणेव नागघरे तेणेव उवागच्छति 2 हत्थिखंधायो पचोरुहति 2
