________________ 106 ] [ श्रीमदागमसुधासिन्धुः / चतुर्थो विभागः खिप्पामेव जलथलय जाव दसद्धवन्नमल्लं कुभग्गसो य भारग्गसो य कुभगस्स रन्नो भवसि साहरंति, एगं च णं महं सिरिदामगंडं जाव मुयंत उवणेंति, तए णं सा पभावती देवी जलथलय जाव मल्लेणं डोहलं विणेति, तए णं सा पभावतीदेवी पमत्थडोहला जाव विहरइ 5 / तए णं सा पभावतीदेवी नवराहं मासाणं श्रद्धट्ठमाण य रति(राइ)दियाणं जे से हेमंताणं पढमे मासे. दोच्चे पक्खे मग्गसिरसुद्धे तस्स णं मग्गसिरसुद्धस्स एकारसीए पुनरत्तावरत्त-कालसमयंसि अस्सिणीनक्खत्तेणं उचट्ठाणट्ठिएसे गहेसु जाव पमुइयपकीलिएसु जणवएसु आरोयाऽऽरोयं एकूणवीसतिम तित्थयरं पयाया 6 // सूत्रं 71 // तेणं कालेणं 2 ग्रहोलोग-वत्थव्वायो अट्ट दिसाकुमारीयो मयहरीयायो जहा जंबुद्दीवपन्नत्तीए जम्मणं सव्वं नवरं मिहिलाए कुभयस्स पभावतीए अभिलायो संजोएव्वो जाव नंदीसरवरे दीवे महिमा 1 / तया णं कुंभए राया बहूहिं भवणवति 4 तित्थयर जाव कम्मं जाव नामकरणं, जम्हा णं अम्हे इमीए दारियाए माउए मल्लसयणिज्जसि डोहले विणीते तं होउ णं णामेणं मल्ली 2 / जहा महाबले नाम जाव परिवड्डिया, “सा वद्धती भगवती दियलोयचुता अणोवमसिरीया / दासीदासपरिवुडा परिकिन्ना पीडमद्दे हिं // 1 // असियसिरया सुनयणा विबोट्ठी धवलदंतपंतीया(सेदीया) / वरकमलगभगोरी(वराणा, कोमलंगी) फुल्लुप्पल(पउमुप्यनुष्यल)गंधनीप्तासा // 2 // 3 // सूत्रं 72 // तए णं सा मल्ली विदेहवररायकन्ना उम्मुक्कबालभावा जाव रूवेण जोव्वणेण य लावन्नेण य अतीव 2 उकिट्टा उकिट्ठसरीरा जाया यावि होत्था 1 / तते णं सा मल्ली देसूणवाससयजाया ते छप्पि रायाणो विपुलेण श्रोहिणा अाभोएमाणी 2 विहरति, तंजहा-पडिबुद्धिं जाव जियसत्तुं पंचालाहिवई 2 / तते णं सा मल्ली कोडबियपुरिसे सहावेइ 2 एवं वयासी-तुब्भे णं देवाणुप्पिया असोगवणियाए एगं महं मोहणघरं करेह अणेग-खंभ-सयस
