________________ 516 ] [ श्रीमदागमसुधासिन्धुः तृतीयो विभागः रोहस्स सरीरगं विष्पजहामि 2 भारदाइस्स सरीरगं अणुप्पविसामि 2 अट्ठारस वासाइं पंचमं पउट्टपरिहारं परिहरामि 19 / तत्थ णं जे से छट्टे पउट्टपरिहारे से णं वेसालीए नगरीए बहिया कोंडियायणंसि चेइयंसि भारदाइयरस सरीरं विप्पजहामि 2 अज्जुणगस्स गोयमपुत्तस्स सरीरगं अणुप्पविसामि 2 सत्तर वासाई छटुं पउट्टपरिहारं परिहरामि 20 / तत्थ णं जे से सत्तमे पउट्टपरिहारे से णं इहेव सावत्थीए नगरीए हालाहलाए कुभकारीए कुभकारावणंसि अज्जुणगस्त गोयमपुत्तस्स सरीरगं विप्पजहामि अज्जुणयस्स गोयमपुत्तस्स सरीरगं विप्पजहित्ता गोसालस्स मंखलिपुत्तस्स सरीरगं अलं थिरं धुवं धारणिज्जं सीयसहं उराहसहं खुहासह विविह-दंस-मसग-परीसहोवसग्गसहं थिरसंघयणंतिकटु तं अणुप्पविसामि 2 तं से णं सोलस वासाई इमं सत्तमं पउट्टपरिहारं परिहरामि 21 / एवामेव अाउसो! कासवा! एगेणं तेत्तीसेणं वाससएणं सत्त पउट्टपरिहारा परिहरिया भवंतीति मक्खाया, तं सुट्ठ णं अाउसो ! कासवा ! ममं एवं वयासी साधु ण पाउसो ! कासवा ! ममं एवं वयासी-गोसाले मंखलिपुत्ते ममं धम्मंतेवासित्ति गोसाले मंखलिपुत्ते 2, 22 // सूत्रं 550 // तए णं समणे भगवं महावीरे गोसालं मंखलिपुत्ते एवं वयासी-गोसाला! से जहानामए तेणए सिया गामेल्लएहिं पर(रि)भमाणे (पारब्भमाणे, परज्ममाणे) 2 कत्थय गड्ड वा दरिं वा दुग्गं वा णिन्नं वा पव्वयं वा विसमं वा अणस्सादेमाणे एगेणं महं उन्नालोमेण वा सणलोमेण वा कप्पासपम्हेण(पोम्हेणे, पोंभेग) वा तणसूएगा वा अत्ताणं यावरेत्ताणं चिट्ठजा से णं अणावरिए श्रावरियमिति अप्पाणं मन्नइ अप्पच्छराणे य पच्छराणमिति अप्पाणं मन्नति ग्रणिलुक्के णिलुकमिति अप्पाणं मन्नति अपलाए पलायगिति अप्पाणं मन्नति, एवामेव तुमंपि गोसाला ! अणन्ने संते अन्नमिति अप्पाणं उपलभसि तं मा एवं गोसाला! नारिहसि गोसाला ! सच्चेव ते सा छाया नो अन्ना // सूत्रं 551 / /
