________________ 466 ) [ श्रीमदागमसुधासिन्धुः / तृतीयो विभागः // अथ गोशालकाख्यं पञ्चदशं शतकम् // ____ नमो सुयदेवयाए भगवईए। तेणं काले णं 2 सावत्थी नाम नगरी होत्था वन्नयो, तीसे णं सावत्थीए नगरीए बहिया उत्तरपुरच्छिमे दिसीभाए तत्थ णं कोट्ठए नाम चेइए होत्था वन्नयो, तत्थ णं सावत्थीए नगरीए हालाहला नाम कुंभकारी श्राजीवियोवासिया परिवसति अड्डा जाव अपरिभूया आजीवियसमयंसि लट्ठा गहियट्ठा पुच्छियट्ठा विणिच्छियट्ठा अट्टिमिंज-पेम्माणुरागरत्ता अयमाउसो ! श्राजीवियसमये अट्ठे अयं परमठे सेसे अणठेत्ति श्राजीवियसमएणं अप्पाणं भावेमाणी विहरई 1 / तेणं काले णं 2 गोसाले मखलिपुत्ते चउव्वीस-वासपरियाए हालाहलाए कुंभकारीए कुंभकारावणंसि श्राजीविय-संघ-संपरिबुडे श्राजीवियसमएणं अप्पाणं भावेमाणे विहरइ 2 / तए णं तस्स गोसालस्स मंखलिपुत्तस्स अन्नदा कदायि इमे छ दिसाचरा (पासावचिन्जा) अंतियं पाउभविस्था, तंजहा-साणे कलंदे कणियारे अच्छिद्दे (च्छेदे) अग्गिवेसायणे अज्जुन्ने गोमायु(तम)पुत्ते 3 / तए णं ते छ दिसाचरा अट्टविहं पुव्वगयं मग्गदसमं सतेहिं 2 मतिदंसणेहिं निज्जूहंति 2 गोसालं मंखलिपुत्तं उवट्टाइंसु 4 / तए णं से गोसाले मंखलिपुत्ते तेणं अगस्स महानिमित्तस्स केणइ उल्लोयमेत्तेणं सव्वेसिं पाणाणं भूयाणं जीवाणं सत्ताणं इमाई छ अणइक्कमणिजाई वागरणाई वागरेति, तंजहा-लाभं अलाभ सुहं दुक्खं जीवियं मरणं तहा 5 / तए णं से गोसाले मंखलिपुत्ते तेणं अटुंगस्स महानिमित्तस्स केणइ उल्लोयमेत्तेणं सावत्थीए नगरीए अजिणे जिणप्पलावी अगरहा अरहप्पलावी अकेवली केवलिप्पलावी असवन्नू सम्वन्नुप्पलावी अजिणे जिणसह पगा(भा)सेमाणे विहरइ 6 // सू० 531 // तए णं सावत्थीए नगरीए सिंगाडग जाव पहेसु बहुजणो अन्नमन्नस्स एवमाइक्खइ जाव एवं परूवेति एवं खलु देवाणुप्पिया! गोसाले मंखलिपुत्ते जिणे जिणप्पलावी
