________________ 464 ] . [ श्रीमदागमसुधासिन्धुः :: तृतीयो विभागः निग्गंथे वाणमंतराणं देवाणं तेयलेस्सं वीइवयंति, दुमासपरियाए समणे निग्गंथे असुरिंदवजियाणं भवणवासीणं देवाणं तेयलेस्सं वीयिवयंति, एवं एएणं अभिलावेणं तिमासपरियाए समणे निग्गंथे असुरकुमाराणं देवाणं तेयलेस्सं वीइवयंति, चउम्मासपरियाए सगह-नक्खत्त-ताराख्वागणं जोतिसियाणं देवाणं तेयलेस्सं वीइवयंति, पंचमासपरियाए य सचंदिम-सूरियाणं जोतिसिंदाणं जोतिसरायाणं तेयलेस्सं वीइवयंति, छम्मासपरियाए समणे सोहम्मीसाणाणं देवाणं तेयलेस्सं वीइवयंति, सत्तमासपरियाए सणंकुमार-माहिंदाणं देवाणं तेयलेस्सं वीइवयंति, अट्टमासपरियाए बंभलोग-लंतगाणं देवाणं तेयलेस्सं वीइवयंति, नवमासपरियाए समणे महासुक-सहस्साराणं देवाणं तेयलेस्सं वीइवयंति, दसमासपरियाए प्राणय-पाणय-धारणच्चुयाणं देवाणं तेयलेस्सं वीइवयंति, एकारस-मास-परियाए गेवेजगाणं देवाणं तेयलेस्सं वीइवयंति बारस-मास-परियाए समणे निग्गंथे अणुत्तरोववाइयाणं देवाणं तेयलेस्सं वीयिवयंति, तेण परं सुक्के सुकाभिजाए भवित्ता तयो पच्छा सिझति जाव अंतं करेति 1 / सेवं भंते ! सेवं भंतेत्ति जाव विहरति 2 / // सूत्रं 537 // // इति चतुर्दशमशतके नवम उद्देशकः // 14-9 // // अथ चतुर्दशमशतके केवलिनामक-दशमोद्देशकः // - केवली णं भंते ! छउमत्थं जाणइ पासइ ?, हंता जाणइ पासइ 1 / जहा णं भंते ! केवली छउमत्थं जाणइ पासइ तहा णं सिद्धेवि छउमत्थं जाणइ पासइ ?, हंता जाणइ पासइ 2 / केवली णं भंते ! पाहोहियं जाणइ पासइ ?, एवं चे, एवं परमाहोहियं 3 / एवं केवलि एवं सिद्धं जाव जहा णं भंते ! केवली सिद्धं जाणइ पासइ तहा णं सिद्धेवि सिद्धं जाणइ पासइ ?, हंता जाणइ पासइ 4 / केवली णं भंते ! भासेज वा वागरेज वा ?, हंता
