________________ श्रीमव्याख्याप्रज्ञप्ति (श्रीमद्भगवति) सूत्रं :: शतक 14 :: उद्देशका 6 ) [ 463 णं भावियप्पा अप्पणो जाव पासति 1 / अस्थि णं भंते ! सरूवी सकम्मलेस्सा पोग्गला अोभासंति 4 ?, हंता अस्थि 2 / कयरे णं भंते ! सरुवी सकम्मलेस्सा पोग्गला श्रोभासंति जाव पभासेंति ?, गोयमा ! जायो इमायो चंदिमसूरियाणं देवाणं विमाणेहितो लेस्सायो बहिया अभिनिस्सडायो ताश्रो अोभासंति पभासेंति एवं एएणं गोयमा ! ते सरूवी सकम्मलेस्सा पोग्गला अोभासेंति 4, 3 // सूत्रं 534 // नेरइयाणं भंते ! किं अत्ता पोग्गला अणत्ता पोग्गला ?, गोयमा ! नो अत्ता पोग्गला अणत्ता पोग्गला 1 / असुरकुमाराणं भंते ! कि अत्ता पोग्गला अणत्ता पोग्गला ?, गोयमा ! अत्ता पोग्गला णो अणत्ता पोग्गला, एवं जाव थणियकुमाराणं 2 / पुढविकाइयाणं पुच्छा, गोयमा ! अत्तावि पोग्गला अणत्तावि पोग्गला, एवं जाव मणुस्साणं, वाणमंतर-जोइसिय-वेमाणियाणं जहा असुरकुमाराणं 3 / नेरझ्याणं भंते ! किं इट्टा पोग्गला अणिहा पोग्गला ?, गोयमा ! नो इट्ठा पोग्गला अणिट्ठा पोग्गला जहा अत्ता भणिया एवं इटावि कंतावि पियावि मणुनावि भाणियब्वा एए पंच दंडगा। देवे णं भंते ! महडिए जाव महेसक्खे स्वसहस्सं विउवित्ता पभू भासासहस्सं भासित्तए ?, हंता पभू 5 / सा णं भंते ! किं एगा भासा भासासहस्सं ?, गोयमा ! एगा णं सा भासा णो खलु तं भासासहस्सं 6 // सूत्रं 535 // तेणं कालेणं 2 भगवं गोयमे अचिरुग्गयं बालसूरियं जासुमणा कुसुम-पुजप्पकासं लोहितगं पासइ पासित्ता जायसड्ढे जाव समुप्पन्न-कोउहल्ले जेणेव समणे भगवं महावीरे तेणेव उवागच्छइ जाव नमंसित्ता जाव एवं वयासी-किमिदं भंते ! सूरिए किमिदं भंते ! सूरियस्स अट्ठ?, गोयमा ! सुभे सुरिए सुभे सूरियस्स अट्ठ 1 / किमिदं भंते ! सूरिए किमिदं भंते ! सूरियस्स पभाए एवं चेव, एवं छाया, एवं लेस्सा 2 // सूत्रं 536 // जे इमे भंते ! अजत्ताए समणा निग्गंथा विहरंति एते णं कस्स तेयलेस्सं वीतिवयंति ?, गोयमा ! मासपरियाए समणे
